Texts

Help

Select a text:
Bibliography
Select a chapter:
 (no revisions)
Associated topic(s): priest, ṛtvij

Show parallels  Show headlines
Use dependency labeler
Chapter id: 12837
  • Click on a sentence to show its analysis
  • Keep the mouse pointer over a lemma to show its meanings.
athartvijāṃ varaṇam // (1.0) Par.?
vijñāyate brāhmaṇā ṛtvijo yonigotraśrutavṛttasampannā aviguṇāṅgā atrikiṇinaḥ // (2.0) Par.?
na parikhātikrāntā nāntagā nāntyajā nānanūcānāḥ // (3.0) Par.?
hāleyavāleyaputrikāputraparakṣetrasahoḍhakānīnānujāvaradvipravarān parihāpya // (4.0) Par.?
āṅgiraso 'dhvaryur vāsiṣṭho brahmā vaiśvāmitro hotāyāsya udgātā kauṣītakaḥ sadasyaḥ // (5.0) Par.?
avaśiṣṭā bhṛgavo 'ṅgiraso vā // (6.0) Par.?
yonivṛttaṃ vidyā ca pramāṇam ity eke // (7.0) Par.?
tāṃś ced vṛṇītāvyāpannāṅgān eva vṛṇītākunakhinam adhvaryum akilāsinaṃ brahmāṇam akhaṇḍaṃ hotāram akarālam udgātāram aśipiviṣṭaṃ sadasyam // (8.0) Par.?
atha pratiprasthātā neṣṭonnetety adhvaryupuruṣāḥ // (9.0) Par.?
brāhmaṇācchaṃsy āgnīdhraḥ poteti brahmaṇaḥ // (10.0) Par.?
maitrāvaruṇo 'cchāvāko grāvastud iti hotuḥ // (11.0) Par.?
prastotā pratihartā subrahmaṇya ity udgātuḥ // (12.0) Par.?
abhigaro dhruvagopaḥ saṃśrāva iti sadasyasya // (13.0) Par.?
svapradhānāḥ // (14.0) Par.?
asvapradhānā ity eke // (15.0) Par.?
daśa vaikādaśa vā camasādhvaryavaḥ // (16.0) Par.?
anyadakṣiṇābhiḥ parikrītā bhavantīti vijñāyate // (17.0) Par.?
tasmād agnihotrasya yajñakrator eka ṛtvik // (18.0) Par.?
darśapūrṇamāsayoś catvāra ṛtvijo 'dhvaryur brahmā hotāgnīdhra iti // (19.0) Par.?
cāturmāsyeṣu pratiprasthātā pañcamaḥ // (20.0) Par.?
paśubandhe maitrāvaruṇaḥ ṣaṣṭhaḥ // (21.0) Par.?
sarve saumye 'dhvare // (22.0) Par.?
tān karmaṇaḥ karmaṇo vṛṇīta // (23.0) Par.?
ekaikam upasaṃgṛhya codayed asāv aham ādhvaryaveṇa tvā gacchāmi yājayatu māṃ bhavān iti // (24.0) Par.?
brahmatvena hautreṇaudgātreṇa sādasyeneti // (25.0) Par.?
na sadasyo vidyata ity eke // (26.0) Par.?
svena svena karmaṇā hotrakān // (27.0) Par.?
na hotrakān ity eke // (28.0) Par.?
tatpuruṣā hotrakāś camasādhvaryavaś ca // (29.0) Par.?
adhvaryur vā ṛtvijāṃ prathamo yujyate tena stomo yoktavya iti // (30.0) Par.?
Duration=0.064962863922119 secs.