Texts

gāyatryau sviṣṭakṛtaḥ saṃyājye kurvīta tejaskāmo brahmavarcasakāmaḥ // (1) Par.?

tejo vai brahmavarcasaṃ gāyatrī // (2) Par.?

tejasvī brahmavarcasī bhavati ya evaṃ vidvān gāyatryau kurute // (3) Par.?

uṣṇihāv āyuṣkāmaḥ kurvīta // (4) Par.?

āyur vā uṣṇik // (5) Par.?

sarvam āyur eti ya evaṃ vidvān uṣṇihau kurute // (6) Par.?

anuṣṭubhau svargakāmaḥ kurvīta // (7) Par.?

dvayor vā anuṣṭubhoś catuḥṣaṣṭir akṣarāṇi traya ima ūrdhvā ekaviṃśā lokā ekaviṃśatyaikaviṃśatyaivemāṃllokān rohati svarga eva loke catuḥṣaṣṭitamena pratitiṣṭhati // (8) Par.?

pratitiṣṭhati ya evaṃ vidvān anuṣṭubhau kurute // (9) Par.?

bṛhatyau śrīkāmo yaśaskāmaḥ kurvīta // (10) Par.?

śrīr vai yaśaś chandasām bṛhatī // (11) Par.?

śriyam eva yaśa ātman dhatte ya evaṃ vidvān bṛhatyau kurute // (12) Par.?

paṅktī yajñakāmaḥ kurvīta // (13) Par.?

pāṅkto vai yajñaḥ // (14) Par.?

upainaṃ yajño namati ya evaṃ vidvān paṅktī kurute // (15) Par.?

triṣṭubhau vīryakāmaḥ kurvīta // (16) Par.?

ojo vā indriyaṃ vīryaṃ triṣṭubhau // (17) Par.?

ojasvīndriyavān vīryavān bhavati ya evaṃ vidvāṃs triṣṭubhau kurute // (18) Par.?

jagatyau paśukāmaḥ kurvīta // (19) Par.?

jāgatā vai paśavaḥ // (20) Par.?

paśumān bhavati ya evaṃ vidvāñ jagatyau kurute // (21) Par.?

virājāv annādyakāmaḥ kurvīta // (22) Par.?

annaṃ vai virāṭ // (23) Par.?

tasmād yasyaiveha bhūyiṣṭham annam bhavati sa eva bhūyiṣṭhaṃ loke virājati tad virājo virāṭtvam // (24) Par.?

vi sveṣu rājati śreṣṭhaḥ svānām bhavati ya evaṃ veda // (25) Par.?