Texts

Help

Select a text:
Bibliography
Select a chapter:
 (no revisions)
Associated topic(s): for political power, for prestige, influence

Show parallels  Show headlines
Use dependency labeler
Chapter id: 14652
  • Click on a sentence to show its analysis
  • Keep the mouse pointer over a lemma to show its meanings.
tvayīndriyaṃ tvayi varcas tvaṃ dharmapatir bhava / (1.1) Par.?
tvam uttaro bhrātṛvyebhyas tava lakṣmīḥ payasvatī // (1.2) Par.?
tavetām aśvinā havaṃ tava rāṣṭraṃ divi śritam / (2.1) Par.?
tvam āyuṣmān sapatnahottaro dviṣato bhava // (2.2) Par.?
tīkṣṇaśṛṅga ṛṣabhaḥ samudra ivākṣitodakaḥ / (3.1) Par.?
tvaṃ sahasravīryas tava bāhū gavāṃ patī // (3.2) Par.?
bhrātṛvyaś ca sapatnaś ca yas tvāmitro jighāṃsati / (4.1) Par.?
śriyaṃ tvaṃ sarveṣāṃ teṣāṃ ādāyogro vi dhāraya // (4.2) Par.?
tvaṃ vaśī satyākūtaḥ satyadharmā gaveṣaṇaḥ / (5.1) Par.?
nāṣṭrās tvaṃ sarvās tīrtvā bhrātṛvyāṇāṃ śriyaṃ vṛha // (5.2) Par.?
tubhyaṃ saṃ yantu balayas tubhyaṃ śulkaḥ pra dīyatām / (6.1) Par.?
tubhyaṃ virāṭ payo duhāṃ tvāṃ vāñchantu viśo mahīḥ // (6.2) Par.?
vāñchatu tvā bṛhad rāṣṭraṃ tviṣis te mukha āhitā / (7.1) Par.?
tvaṃ devānāṃ bhava priyas tvayi gāvo adhiśritāḥ // (7.2) Par.?
tvayīndriyaṃ tvayi varcas tvayi yajño adhiśritaḥ / (8.1) Par.?
tavā yantu havaṃ devās tvaṃ priyo bṛhaspateḥ // (8.2) Par.?
agnīṣomā pavamāno virāḍ devī payasvatī / (9.1) Par.?
atandraṃ sarve rakṣantu rāṣṭraṃ te napavādyam // (9.2) Par.?
agnir iva tṛṇaṃ pra dahaughaḥ kūlam ivā ruja / (10.1) Par.?
śriyaṃ bhrātṛvyāṇām ā datsvāṇḍīkam ivādhi puṣkarāt // (10.2) Par.?
Duration=0.056128978729248 secs.