Texts

Help

Select a text:
Bibliography
Select a chapter:
 (no revisions)
Associated topic(s): bahiṣpavamāna, out-of-doors laud

Show parallels  Show headlines
Use dependency labeler
Chapter id: 13850
  • Click on a sentence to show its analysis
  • Keep the mouse pointer over a lemma to show its meanings.
araṇyam iva vā ete yanti ye bahiṣpavamānaṃ sarpanti // (1) Par.?
tān īśvaro rakṣo vā hantor anyā vā naṃṣṭrā // (2) Par.?
atha dvitīyāṃ juhoti sūryo mā devo divyebhyo rakṣobhyaḥ pātu vāta āntarikṣebhyo 'gniḥ pārthivebhyaḥ svāheti // (3) Par.?
ya evaiṣāṃ lokānām adhipatayas tebhya evaitad ātmānaṃ paridāya sarpati nārtim ārcchati // (4) Par.?
prajāpatir yad yajñam asṛjata taṃ havirdhāna evāsṛjata // (5) Par.?
sa sṛṣṭa udaṅ prādravat // (6) Par.?
tam etad atrāptvāstuvan // (7) Par.?
yatraitad udañca itvā bahiṣpavamānena stuvanti yajñam evaitad āptvā stuvanti // (8) Par.?
yo vai daivyaṃ vājinaṃ veda vājī bhavati // (9) Par.?
yajño vāva daivyo vājī // (10) Par.?
ya in nu mānuṣaṃ vājinam aśāntam asaṃmṛṣṭam ārohati tam in nu sa hinasti vā pra vā kṣiṇoti // (11) Par.?
atha kiṃ yo daivyaṃ vājinam aśāntam asaṃmṛṣṭam ārohāt // (12) Par.?
Duration=0.067996025085449 secs.