Texts

Help

Select a text:
Bibliography
Select a chapter:
 (no revisions)
Associated topic(s): Nirṛti, against death, Nirṛti

Show parallels  Show headlines
Use dependency labeler
Chapter id: 16486
  • Click on a sentence to show its analysis
  • Keep the mouse pointer over a lemma to show its meanings.
tad in nu me acacchadan mahad yakṣaṃ bṛhad vapuḥ / (1.1) Par.?
viśvair yad devair nirṛtis tanā yujā saṃ mṛtyor iha jāyate // (1.2) Par.?
amamriś cit sāprathovadadahim ahirājantam ojasā / (2.1) Par.?
āyuṃ cit kutsam atithigvam ardaya vi nikilbindam ojasā // (2.2) Par.?
yāvatī dyāvāpṛthivī varimṇā yāvad vā sapta sindhavo mahitvā / (3.1) Par.?
tāvatī nirṛtir viśvavārā viśvasya yā jāyamānasya veda // (3.2) Par.?
viśvasya hi jāyamānasya devi puṣṭasya vā puṣṭapatir babhūvitha / (4.1) Par.?
namo 'stu te nirṛte mā tv asmān parā bhujo nāparaṃ hātayāsi // (4.2) Par.?
devīm ahaṃ nirṛtiṃ manyamānaḥ piteva putraṃ na sace vacobhiḥ / (5.1) Par.?
viśvasya yā jāyamānasya veda śiraḥ śiraḥ prati sūro 'nu tasthe // (5.2) Par.?
asunvantam ayajamānam iccha stenasyetyāṃ taskarasyānu śikṣa / (6.1) Par.?
svapantam iccha sā ta ityā namas tu te nirṛte 'haṃ kṛṇomi // (6.2) Par.?
asunvakān nirṛtiḥ saṃjighatsur nāsyāḥ pitā vidyate nota mātā / (7.1) Par.?
madhyāt svasrām anu jaghāna sarvaṃ na devānām asuryaṃ sam āpa // (7.2) Par.?
yad asya pāre tamasaḥ śukraṃ jyotir ajāyata / (8.1) Par.?
tan naḥ parṣad ati dviṣo 'gne vaiśvānara dyumat // (8.2) Par.?
Duration=0.033874034881592 secs.