Texts

Help

Select a text:
Bibliography
Select a chapter:
 (no revisions)
Associated topic(s): Teacher (guru) and pupil (śiṣya), ācārya, brahmacarya

Show parallels  Show headlines
Use dependency labeler
Chapter id: 12045
  • Click on a sentence to show its analysis
  • Keep the mouse pointer over a lemma to show its meanings.
2 parallel or similar passage(s) in this chapter
pañca ha vā ete brahmacāriṇy agnayo dhīyante // (1.0) Par.?
dvau pṛthagghastayor mukhe hṛdaya upastha eva pañcamaḥ // (2.0) Par.?
sa yad dakṣiṇena pāṇinā striyaṃ na spṛśati tenāharahar yājināṃ lokam avarunddhe // (3.0) Par.?
yat savyena tena pravrājinām // (4.0) Par.?
yan mukhena tenāgnipraskandinām // (5.0) Par.?
yaddhṛdayena tena śūrāṇām // (6.0) Par.?
yad upasthena tena gṛhamedhinām // (7.0) Par.?
taiś cet striyaṃ parāharaty anagnir iva śiṣyate // (8.0) Par.?
sa yad aharahar ācāryāya kule 'nutiṣṭhate so 'nuṣṭhāya brūyād dharma gupto mā gopāyeti // (9.0) Par.?
dharmo hainaṃ gupto gopāyati // (10.0) Par.?
tasya ha prajā śvaḥ śvaḥ śreyasī śreyasīha bhavati // (11.0) Par.?
dhāyyaiva pratidhīyate // (12.0) Par.?
svarge loke pitṝn nidadhāti // (13.0) Par.?
tāntavaṃ na vasīta // (14.0) Par.?
yas tāntavaṃ vaste kṣatraṃ vardhate na brahma // (15.0) Par.?
tasmāt tāntavaṃ na vasīta brahma vardhatāṃ mā kṣatram iti // (16.0) Par.?
nopary āsīta // (17.0) Par.?
yad upary āste prāṇam eva tadātmano 'dharaṃ kurute yad vāto vahati // (18.0) Par.?
adha evāsītādhaḥ śayītādhas tiṣṭhed adho vrajet // (19.0) Par.?
evaṃ ha sma vai tat pūrve brāhmaṇā brahmacaryaṃ caranti // (20.0) Par.?
taṃ ha sma tatputraṃ bhrātaraṃ vopatāpinam āhur upanayetainam iti // (21.0) Par.?
ā samiddhārāt svar eṣyanto 'nnam adyāt // (22.0) Par.?
athāha jaghanam āhuḥ snāpayetainam ity ā samiddhārāt // (23.0) Par.?
na hy etāni vratāni bhavanti // (24.0) Par.?
taṃ cec chayānam ācāryo 'bhivadet sa pratisaṃhāya pratiśṛṇuyāt // (25.0) Par.?
taṃ cec chayānam utthāya taṃ ced utthitam abhiprakramya taṃ ced abhiprakrāntam abhipalāyamānam // (26.0) Par.?
evaṃ ha sma vai tat pūrve brāhmaṇā brahmacaryaṃ caranti // (27.0) Par.?
teṣāṃ ha sma vaiṣā puṇyā kīrtir gacchaty ā ha vā ayaṃ so 'dya gamiṣyatīti // (28.0) Par.?
Duration=0.063241958618164 secs.