Texts

Help

Select a text:
Bibliography
Select a chapter:
 (no revisions)
Associated topic(s): Sacrifice, yajña

Show parallels  Show headlines
Use dependency labeler
Chapter id: 12137
  • Click on a sentence to show its analysis
  • Keep the mouse pointer over a lemma to show its meanings.
prajāpatir yajñam atanuta // (1.0) Par.?
sa ṛcaiva hautram akarod yajuṣādhvaryavaṃ sāmnaudgātram atharvāṅgirobhir brahmatvam // (2.0) Par.?
taṃ vā etaṃ mahāvādyaṃ kurute yad ṛcaiva hautram akarod yajuṣādhvaryavaṃ sāmnaudgātram atharvāṅgirobhir brahmatvam // (3.0) Par.?
sa vā eṣa tribhir vedair yajñasyānyataraḥ pakṣaḥ saṃskriyate // (4.0) Par.?
manasaiva brahmā yajñasyānyataraṃ pakṣaṃ saṃskaroti // (5.0) Par.?
ayam u vai yaḥ pavate sa yajñaḥ // (6.0) Par.?
tasya manaś ca vāk ca vartanī // (7.0) Par.?
manasā caiva hi vācā ca yajño vartate // (8.0) Par.?
ada eva mana iyam eva vāk // (9.0) Par.?
sa yad vadan nāsti vidyād ardhaṃ me 'sya yajñasyāntaragād iti // (10.0) Par.?
tad yathaikapāt puruṣo yann ekacakro vā ratho vartamāno bhreṣaṃ nyety evam evāsya yajño bhreṣaṃ nyeti // (11.0) Par.?
yajñasya bhreṣam anu yajamāno bhreṣaṃ nyeti // (12.0) Par.?
yajamānasya bhreṣam anv ṛtvijo bhreṣaṃ niyanti // (13.0) Par.?
ṛtvijāṃ bhreṣam anu dakṣiṇā bhreṣaṃ niyanti // (14.0) Par.?
dakṣiṇānāṃ bhreṣam anu yajamānaḥ putrapaśubhir bhreṣaṃ nyeti // (15.0) Par.?
putrapaśūnāṃ bhreṣam anu yajamānaḥ svargeṇa lokena bhreṣaṃ nyeti // (16.0) Par.?
svargasya lokasya bhreṣam anu tasyārdhasya yogakṣemo bhreṣaṃ nyeti yasminn ardhe yajanta iti brāhmaṇam // (17.0) Par.?
Duration=0.065701961517334 secs.