Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 12200
  • Click on a sentence to show its analysis
  • Keep the mouse pointer over a lemma to show its meanings.
16 parallel or similar passage(s) in this chapter
evam evaitad bho yathā bhavān āha // (1.0) Par.?
pṛcchāmi tveva bhavantam iti // (2.0) Par.?
pṛccha prācīnayogyeti // (3.0) Par.?
yasya sāyam agnaya upasamāhitāḥ syuḥ sarve jvalayeyuḥ prakṣālitāni yajñapātrāṇy upasannāni syur atha ced dakṣiṇāgnir udvāyāt kiṃ vā tato bhayam āgacched iti // (4.0) Par.?
kṣipram asya patnī praiti yo 'vidvāñ juhoti // (5.0) Par.?
vidyayā tvevāham abhijuhomīti // (6.0) Par.?
kā te vidyā kā prāyaścittir iti // (7.0) Par.?
gārhapatyād adhi dakṣiṇāgniṃ praṇīya prāco 'ṅgārān uddhṛtya prāṇāpānābhyāṃ svāheti juhuyāt // (8.0) Par.?
atha prātar yathāsthānam agnīn upasamādhāya yathāpuraṃ juhuyāt // (9.0) Par.?
sā me vidyā sā prāyaścittir iti // (10.0) Par.?
atha ced āhavanīya udvāyāt kiṃ vā tato bhayam āgacched iti // (11.0) Par.?
kṣipram asya putraḥ praiti yo 'vidvāñ juhoti // (12.0) Par.?
vidyayā tvevāham abhijuhomīti // (13.0) Par.?
kā te vidyā kā prāyaścittir iti // (14.0) Par.?
gārhapatyād adhy āhavanīyaṃ praṇīya pratīco 'ṅgārān uddhṛtya samānavyānābhyāṃ svāheti juhuyāt // (15.0) Par.?
atha prātar yathāsthānam agnīn upasamādhāya yathāpuraṃ juhuyāt // (16.0) Par.?
sā me vidyā sā prāyaścittir iti // (17.0) Par.?
atha ced gārhapatya udvāyāt kiṃ vā tato bhayam āgacched iti // (18.0) Par.?
kṣipraṃ gṛhapatiḥ praiti yo 'vidvāñ juhoti // (19.0) Par.?
vidyayā tvevāham abhijuhomīti // (20.0) Par.?
kā te vidyā kā prāyaścittir iti // (21.0) Par.?
sabhasmakam āhavanīyaṃ dakṣiṇena dakṣiṇāgniṃ parihṛtya gārhapatyasyāyatane pratiṣṭhāpya tata āhavanīyaṃ praṇīya udīco 'ṅgārān uddhṛtyodānarūpābhyāṃ svāheti juhuyāt // (22.0) Par.?
atha prātar yathāsthānam agnīn upasamādhāya yathāpuraṃ juhuyāt // (23.0) Par.?
sā me vidyā sā prāyaścittir iti // (24.0) Par.?
atha cet sarve 'gnaya udvāyeyuḥ kiṃ vā tato bhayam āgacched iti // (25.0) Par.?
kṣipraṃ gṛhapatiḥ sarvajyāniṃ jīyate yo 'vidvāñ juhoti // (26.0) Par.?
vidyayā tvevāham abhijuhomīti // (27.0) Par.?
kā te vidyā kā prāyaścittir iti // (28.0) Par.?
ānaḍuhena śakṛtpiṇḍenāgnyāyatanāni parilipya homyam upasādyāgniṃ nirmathya prāṇāpānābhyāṃ svāhā samānavyānābhyāṃ svāhodānarūpābhyāṃ svāheti juhuyāt // (29.0) Par.?
atha prātar yathāsthānam agnīn upasamādhāya yathāpuraṃ juhuyāt // (30.0) Par.?
sā me vidyā sā prāyaścittir iti // (31.0) Par.?
atha cen nāgniṃ janayituṃ śaknuyur na kutaścana vāto vāyāt kiṃ vā tato bhayam āgacched iti // (32.0) Par.?
mogham asyeṣṭaṃ ca hutaṃ ca bhavati yo 'vidvāñ juhoti // (33.0) Par.?
vidyayā tvevāham abhijuhomīti // (34.0) Par.?
kā te vidyā kā prāyaścittir iti // (35.0) Par.?
ānaḍuhenaiva śakṛtpiṇḍenāgnyāyatanāni parilipya homyam upasādya vāta ā vātu bheṣajam iti sūktenātmany eva juhuyāt // (36.0) Par.?
atha prātar agniṃ nirmathya yathāsthānam agnīn upasamādhāya yathāpuraṃ juhuyāt // (37.0) Par.?
sā me vidyā sā prāyaścittir iti brāhmaṇam // (38.0) Par.?
Duration=0.097870111465454 secs.