Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice, niṣkevalya śastra, strophes used in sacrifice

Show parallels  Show headlines
Use dependency labeler
Chapter id: 11624
  • Click on a sentence to show its analysis
  • Keep the mouse pointer over a lemma to show its meanings.
stotriyaṃ śaṃsaty ātmā vai stotriyaḥ // (1) Par.?
tam madhyamayā vācā śaṃsaty ātmānam eva tat saṃskurute // (2) Par.?
anurūpaṃ śaṃsati prajā vā anurūpaḥ // (3) Par.?
sa uccaistarām ivānurūpaḥ śaṃstavyaḥ prajām eva tacchreyasīm ātmanaḥ kurute // (4) Par.?
dhāyyāṃ śaṃsati patnī vai dhāyyā // (5) Par.?
sā nīcaistarām iva dhāyyā śaṃstavyā // (6) Par.?
prativādinī hāsya gṛheṣu patnī bhavati yatraivaṃ vidvān nīcaistarāṃ dhāyyāṃ śaṃsati // (7) Par.?
pragāthaṃ śaṃsati // (8) Par.?
sa svaravatyā vācā śaṃstavyaḥ paśavo vai svaraḥ paśavaḥ pragāthaḥ paśūnām avaruddhyai // (9) Par.?
indrasya nu vīryāṇi pra vocam iti sūktaṃ śaṃsati // (10) Par.?
tad vā etat priyam indrasya sūktaṃ niṣkevalyaṃ hairaṇyastūpam etena vai sūktena hiraṇyastūpa āṅgirasa indrasya priyaṃ dhāmopāgacchat sa paramaṃ lokam ajayat // (11) Par.?
upendrasya priyaṃ dhāma gacchati jayati paramaṃ lokaṃ ya evaṃ veda // (12) Par.?
gṛhā vai pratiṣṭhā sūktaṃ tat pratiṣṭhitatamayā vācā śaṃstavyaṃ tasmād yady api dūra iva paśūṃllabhate gṛhān evainān ājigamiṣati gṛhā hi paśūnām pratiṣṭhā pratiṣṭhā // (13) Par.?
Duration=0.053071022033691 secs.