Texts

Help

Select a text:
Bibliography
Select a chapter:
 (no revisions)
Associated topic(s): binding the animal to the yūpa, upākaraṇa

Show parallels  Show headlines
Use dependency labeler
Chapter id: 13765
  • Click on a sentence to show its analysis
  • Keep the mouse pointer over a lemma to show its meanings.
upākaraṇa
athaitaṃ paśuṃ palpūlitam antareṇa cātvālotkarau prapādyāgreṇa yūpaṃ purastātpratyaṅmukham upasthāpayati // (1) Par.?
tam iṣe tvā iti barhiṣī ādāyopākaroti upavīr asi upo devān daivīr viśaḥ prāgur vahnīr uśijo bṛhaspate dhārayā vasūni havyā te svadantām deva tvaṣṭar vasu raṇva revatī ramadhvam prajāpater jāyamānā imaṃ paśuṃ paśupate te adya indrāgnibhyāṃ tvā juṣṭam upākaromīti // (2) Par.?
yaddevatyo vā bhavati // (3) Par.?
producing fire
prajñāte barhiṣī nidhāyādhimanthanaṃ śakalaṃ nidadhāti agner janitram asīti // (4) Par.?
vṛṣaṇāv anvañcau vṛṣaṇau stha iti // (5) Par.?
athāraṇī ādatte urvaśy asi āyur asi purūravā iti // (6) Par.?
athaite ājyasthālyāṃ samanakti ghṛtenākte vṛṣaṇaṃ dadhāthām iti // (7) Par.?
atha prajātīr vācayati gāyatraṃ chando 'nu prajāyasva traiṣṭubhaṃ chando 'nu prajāyasva jāgataṃ chando 'nu prajāyasva iti // (8) Par.?
athāha agnaye mathyamānāyānubrūhīti // (9) Par.?
jāta āha jātāyānubrūhīti // (10) Par.?
praharann āha prahriyamāṇāyānubrūhīti // (11) Par.?
praharati bhavataṃ naḥ samanasāviti // (12) Par.?
prahṛtyābhijuhoti agnāv agniś carati praviṣṭa iti // (13) Par.?
taking the cord
atha raśanām ādatte devasya tvā savituḥ prasave 'śvinor bāhubhyāṃ pūṣṇo hastābhyām ādada iti // (14) Par.?
tayākṣṇayā paśum abhidadhāti dakṣiṇam adhyardhaśīrṣam ṛtasya tvā devahaviḥ pāśenārabhe iti // (15) Par.?
dviguṇāyai ca triguṇāyai cāntau saṃdadhāti dharṣā mānuṣān iti // (16) Par.?
niyunakti // (17) Par.?
prokṣaṇa
athainam adbhiḥ prokṣati adbhyas tvauṣadhībhya indrāgnibhyāṃ tvā juṣṭaṃ prokṣāmīti // (18) Par.?
yaddevatyo vā bhavati // (19) Par.?
pāyayati apāṃ perur asīti // (20) Par.?
svāttaṃ cit sadevaṃ havyam āpo devīḥ svadatainam ity upariṣṭāt prokṣyādhastād upokṣati // (21) Par.?
sarvata evainaṃ medhyaṃ karotīti brāhmaṇam // (22) Par.?
udūhya prokṣaṇīdhānam // (23) Par.?
Duration=0.11556506156921 secs.