Texts

Help

Select a text:
Bibliography
Select a chapter:
 (no revisions)
Associated topic(s): prāṇa etc., sāman

Show parallels  Show headlines
Use dependency labeler
Chapter id: 12645
  • Click on a sentence to show its analysis
  • Keep the mouse pointer over a lemma to show its meanings.
2 parallel or similar passage(s) in this chapter
tena haitenāsunā devā jīvanti pitaro jīvanti manuṣyā jīvanti paśavo jīvanti gandharvāpsaraso jīvanti sarvam idaṃ jīvati // (1.1) Par.?
tad āhur yad asunedaṃ sarvaṃ jīvati kaḥ sāmno 'sur iti / (2.1) Par.?
prāṇa iti brūyāt / (2.2) Par.?
prāṇo ha vāva sāmno 'suḥ // (2.3) Par.?
sa eṣa prāṇo vāci pratiṣṭhito vāg u prāṇe pratiṣṭhitā / (3.1) Par.?
tāv etāv evam anyonyasmin pratiṣṭhitau / (3.2) Par.?
pratitiṣṭhati ya evaṃ veda // (3.3) Par.?
tad etad ṛcābhyanūcyate 'ditir dyaur aditir antarikṣam aditir mātā sa pitā sa putraḥ / (4.1) Par.?
viśve devā aditiḥ pañca janā aditir jātam aditir janitvam iti // (4.2) Par.?
aditir dyaur aditir antarikṣam iti / (5.1) Par.?
eṣā vai dyaur eṣāntarikṣam // (5.2) Par.?
aditir mātā sa pitā sa putra iti / (6.1) Par.?
eṣā vai mātaiṣā pitaiṣā putraḥ // (6.2) Par.?
viśve devā aditiḥ pañca janā iti / (7.1) Par.?
ye devā asurebhyaḥ pūrve pañca janā āsan ya evāsāv āditye puruṣo yaś candramasi yo vidyuti yo 'psu yo 'yam akṣann antar eṣa eva te / (7.2) Par.?
tad eṣaiva // (7.3) Par.?
aditir jātam aditir janitvam iti / (8.1) Par.?
eṣā hy eva jātam eṣā janitvam // (8.2) Par.?
Duration=0.043701887130737 secs.