Texts

Select a text:
Bibliography

Select a chapter:
(no revisions)

Associated topic(s): for political power, pushing forwards the droṇakalaśa

Show parallels Show headlines
Use dependency labeler

Chapter id: 13836

Click on a sentence to show its analysis
Keep the mouse pointer over a lemma to show its meanings.

saṃmukhān grāvṇaḥ kṛtvābhimṛśati śyenā ajirā ṛtasya garbhāḥ prayuto napātaḥ parvatānāṃ kakubha ā nas taṃ vīraṃ vahata yaṃ bahava upajīvāmo 'bhiśastikṛtam anabhiśastenyam anyasyābhiśastyāḥ kartāram iti // (1) Par.?

ā haivāsya vīro jāyate 'bhiśastikṛd anabhiśastenyo 'nyasyābhiśastyāḥ kartā // (2) Par.?

droṇakalaśam adhyūhatīdam ahaṃ māṃ brahmavarcase 'dhyūhāmīti // (3) Par.?

yady asyāvaruddho rājanyaḥ syād vimukhān grāvṇaḥ kṛtvā tūṣṇīṃ droṇakalaśam adhyūhya tam avahvārayan dakṣiṇā nirūhed idam aham amuṃ viśo nirūhāmīdam asya rāṣṭraṃ nyubjāmīti nyañcaṃ droṇakalaśaṃ nyubjet // (4) Par.?

sammukhān grāvṇaḥ kṛtvā yo 'sya rājanyaḥ syāt tasya nāma gṛhītvā droṇakalaśam adhyūhed idam aham amuṃ viśy adhyūhāmīti // (5) Par.?

apetaro rudhyate 'vetaro gacchati // (6) Par.?

sa yady enam avagatya nādriyeta taṃ kāmayetātraivāntaravaruddho 'stv iti // (7) Par.?

vimukhān grāvṇaḥ kṛtvā tūṣṇīṃ droṇakalaśam adhyūhyopāṃśusavana iti grāvā tam upariṣṭād abhinidadhyād idam aham amuṣmin viśam adhyūhāmīti // (8) Par.?

abhiprakṣīṇānāhīnaṃ viṭ tiṣṭhati // (9) Par.?

sa yady enaṃ viditvopadhāved asmin vāvedaṃ brāhmaṇe 'dhy āsa yad idam asyeva ca neva ceti sammukhān grāvṇaḥ kṛtvā droṇakalaśam adhyūhed idam aham amuṃ viśy adhyūhāmīti // (10) Par.?

īśe svānām apainaṃ svāś cāyanty anantaravaruddho bhavati // (11) Par.?

Duration=0.040457963943481 secs.