Texts

Help

Select a text:
Bibliography

Select a chapter:
(no revisions)

Associated topic(s): bahiṣpavamāna, out-of-doors laud

Show parallels Show headlines
Use dependency labeler

Chapter id: 13847

Click on a sentence to show its analysis
Keep the mouse pointer over a lemma to show its meanings.

krūram iva vā etad yajñasya kurvanti yaddhavirdhāne grāvabhiḥ somaṃ rājānaṃ hatvā bahiṣpavamānaṃ sarpanti // (1) Par.?

kā tasya prāyaścittir ity āhuḥ // (2) Par.?

apa upaspṛśeyuḥ // (3) Par.?

āpo vai sarvasya śāntiḥ // (4) Par.?

adbhir evainaṃ tac chamayanti // (5) Par.?

vāg vā etasmā agre 'dhvane 'tandrāyata yad bahiṣpavamānaṃ sarpanti // (6) Par.?

tāṃ prajāpatir abravīd bhāgadheyaṃ te karomy atha sarpeti // (7) Par.?

bahiṣpavamānaṃ sarpsyan homaṃ juhuyāj juṣṭo vāco bhūyāsaṃ juṣṭo vācaspatyur devi vāg yat te vāco madhumat tasmin mā dhāḥ svāhā sarasvatyā iti // (8) Par.?

yat sarasvatyai svāheti juhuyād vācaṃ sarasvatīṃ svāhākāreṇa parigṛhṇīyāt // (9) Par.?

atha yat svāhā sarasvatyā iti juhoti vācaṃ tad uttarāṃ svāhākārād dadhāti // (10) Par.?

tayāparigṛhītayā yajñaṃ tanute // (11) Par.?

vācā hy ūrdhvo yajñas tāyate // (12) Par.?

vekurā nāmāsi preṣitā divyāya karmaṇe śivā naḥ suyamā bhava satyāśīr yajamānāya svāheti vā juhuyāt // (13) Par.?

vāg vai vekurā // (14) Par.?

brahma vāk // (15) Par.?

brahmaṇa eva tad vāce homaṃ hutvā sarpati nārtim ārcchati // (16) Par.?

Duration=0.13675785064697 secs.