Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 11886
  • Click on a sentence to show its analysis
  • Keep the mouse pointer over a lemma to show its meanings.
I 6,7(1) Die Darbringung der Butter
eṣa vai prajāpatī rūpeṇa yat pūrṇā sruk // (1) Par.?
yat pūrṇāṃ srucaṃ juhoti prajāpatim evāpnoti // (2) Par.?
sapta te agne samidhaḥ sapta jihvāḥ // (3) Par.?
ity etāvatīr vā agnes tanvaḥ ṣoḍhā sapta sapta // (4) Par.?
yo vā asyaitā agnim ādadhāno vitarṣayati vi ha tṛṣyati // (5) Par.?
tā evāsya tarpayati // (6) Par.?
śamīmayīs tisraḥ samidhā ādadhāti ghṛtānvaktā ghṛtastomyābhiḥ // (7) Par.?
sam enam inddhe // (8) Par.?
śamayaty eva // (9) Par.?
sa śaṃ yajamānāya bhavati śaṃ paśubhyaḥ // (10) Par.?
ye vā eṣu triṣu lokeṣv agnayas te samāgacchanti // (11) Par.?
asya draviṇam ādadāmahe // (12) Par.?
ati no 'kramīt // (13) Par.?
havyavāḍ bhavatīti // (14) Par.?
taj juhuyāt // (15) Par.?
ye agnayo divo ye pṛthivyāḥ samāgacchantīṣam ūrjaṃ vasānāḥ / (16.1) Par.?
te asmā agnaye draviṇaṃ dattveṣṭāḥ prītā āhutibhājo bhūtvā yathālokaṃ punar astaṃ pareta // (16.2) Par.?
svāheti tad idam eva draviṇavantaṃ kṛtveṣṭāḥ prītā āhutibhājo bhūtvā yathālokaṃ punarastaṃ parāyanti // (17) Par.?
I 6,7(2) Die Schlussverehrung
tadvācayet // (18) Par.?
gharmaḥ śiraḥ // (19) Par.?
tad ayam agniḥ saṃpriyaḥ paśubhir bhava // (20) Par.?
purīṣam asīti // (21) Par.?
tad enaṃ saṃpriyaṃ paśubhiḥ purīṣiṇam akaḥ // (22) Par.?
I 6,7(3) Die Grndung des Āhavanīya-Feuers
yat te śukra śukraṃ jyotiḥ śukraṃ dhāmājasraṃ tena tvādadhe // (23) Par.?
iti satejasam evainam ādhatte // (24) Par.?
iḍāyās tvā pade vayaṃ nābhā pṛthivyā adhi / (25.1) Par.?
jātavedo nidhīmahy agne havyāya voḍhave // (25.2) Par.?
iti havyavāham evainam akaḥ // (26) Par.?
I 6,7(4) Die Sāmans
agner vai sṛṣṭasya paśavo 'kṣyā avakśāya prāpatan // (27) Par.?
sa prajāpatir vāravantīyam asṛjata // (28) Par.?
tān avārayata // (29) Par.?
etarhi khalu vā eṣa sṛjyate yarhy ādhīyate // (30) Par.?
tad yathaitasmāt sṛṣṭāt paśavaḥ prāpatann evam asmād āhitātpaśavaḥ prapatanti // (31) Par.?
eṣa hi rudro yad agniḥ // (32) Par.?
tad ya evaṃ vidvān vāravantīyaṃ gāyate paśūn eva vārayate // (33) Par.?
vāravantīyaṃ vai sṛṣṭvā prajāpatir yaṃ kāmam akāmayata tam ārdhnot // (34) Par.?
tam eva kāmam ṛdhnoti yajamāno yaṃ kāmaṃ kāmayamāno 'gnim ādhatte ya evaṃ vidvān vāravantīyaṃ gāyate // (35) Par.?
agnir vai kravyād viśvadāvya imāṃl lokān adahat // (36) Par.?
taṃ prajāpatir vāravantīyaṃ gāyamāno varaṇaṃ bibhrat pratyait // (37) Par.?
tam aśamayat // (38) Par.?
yad evāsya kravyād yad viśvadāvyaṃ tacchamayati ya evaṃ vidvān vāravantīyaṃ gāyate // (39) Par.?
tasmād varaṇo yajñāvacaraḥ syāt // (40) Par.?
na tv enena juhuyāt // (41) Par.?
yad vā idaṃ sad yad bhūtaṃ yad bhavad yad bhaviṣyad yad ime antarā dyāvāpṛthivī tad vāmadevyam // (42) Par.?
tad evāvarunddhe ya evaṃ vidvān vāmadevyaṃ gāyate // (43) Par.?
brahmaṇo vā eṣa raso yad yajñāyajñiyam // (44) Par.?
yad yajñāyajñiyaṃ gāyate brahmaṇy eva rasaṃ dadhāti // (45) Par.?
Duration=0.19388198852539 secs.