Texts

Help

Select a text:
Bibliography

Select a chapter:
(no revisions)

Associated topic(s): third pressing, tṛtīyasavana

Show parallels Show headlines
Use dependency labeler

Chapter id: 15532

Click on a sentence to show its analysis
Keep the mouse pointer over a lemma to show its meanings.

athāndhīgavam // (1) Par.?

madhyenidhanaṃ bhavati pratiṣṭhāyai // (2) Par.?

samudraṃ vā ete 'nārambhaṇaṃ praplavante ya ārbhavaṃ pavamānam upayanti // (3) Par.?

tad yan madhyenidhanaṃ bhavati pratiṣṭhityā eva // (4) Par.?

tad yathā vā adaḥ samudraṃ prasnāya dvīpaṃ vittvopotsnāya viśrāmyann āsta evaṃ ha vā etan nidhanam upetya kāmaṃ viśrāmyanta āsīrann astuvānāḥ // (5) Par.?

tad aiḍaṃ bhavati // (6) Par.?

paśavo vā iḍā // (7) Par.?

paśavaḥ kṛtsnam annādyam // (8) Par.?

yo vā anavaso 'dhvānaṃ praiti nainaṃ sa samaśnute // (9) Par.?

atha yaḥ sāvasaḥ praiti sa evainaṃ samaśnute // (10) Par.?

ayaṃ vāva samudro 'nārambhaṇo yad idam antarikṣam // (11) Par.?

tasya nānavasenetthaṃ gatir asti nettham // (12) Par.?

tad etat paśūn eva kṛtsnam annādyam avasaṃ kṛtvā yanti // (13) Par.?

śāktyā annādyakāmā adīkṣanta // (14) Par.?

sa etad andhīguḥ śāktyaḥ sāmāpaśyat // (15) Par.?

tenāstuta // (16) Par.?

tasyaitāṃ daśākṣarāṃ virājaṃ madhyata upayanti // (17) Par.?

daśākṣarā virāṭ // (18) Par.?

annaṃ virāṭ // (19) Par.?

tato vai te virājam annādyam avārundhata // (20) Par.?

tad etad virājo 'nnādyasyāvaruddhiḥ sāma // (21) Par.?

ava virājam annādyaṃ runddhe 'nnādaḥ śreṣṭhaḥ svānāṃ bhavati ya evaṃ veda // (22) Par.?

yad v andhīguḥ śāktyo 'paśyat tasmād āndhīgavam ity ākhyāyate // (23) Par.?

Duration=0.044349908828735 secs.