Texts

Help

Select a text:
Bibliography
Select a chapter:
 (no revisions)
Associated topic(s): ājya hymns

Show parallels  Show headlines
Use dependency labeler
Chapter id: 15442
  • Click on a sentence to show its analysis
  • Keep the mouse pointer over a lemma to show its meanings.
tau vai pṛcchāvahā iti // (1) Par.?
tau prajāpatāv apṛcchetām // (2) Par.?
sa prajāpatir abravīt sāntvāya vai tvam etam abhyavaikṣiṣṭhāḥ sahaiva vām abhūd iti // (3) Par.?
tatheti // (4) Par.?
tad enayoḥ sahābhavad adhyardham anyasya stotram adhyardham anyasya // (5) Par.?
aindrāgno yajñaḥ // (6) Par.?
tau mitrāvaruṇau prāṇāpānau paśubhyo 'pākrāmatām anuvī manyamānau nāvābhyām anuvībhyāṃ paśavaḥ prāṇiṣyantīti // (7) Par.?
te paśavo 'prāṇanta ādhmāyamānā aśerata // (8) Par.?
tad ābhyām ācakṣatāpa mitrāvaruṇau prāṇāpānau paśubhyo 'kramiṣṭāṃ ta ime 'prāṇanta ādhmāyamānāḥ śerata iti // (9) Par.?
tāv ādrutyābrūtāṃ prāṇantu nau yuvābhyāṃ paśava iti // (10) Par.?
nāvābhyām anuvībhyām ity abrūtām // (11) Par.?
tābhyām etan maitrāvaruṇam ājyam avākalpayan // (12) Par.?
tato vai tābhyāṃ paśavaḥ prāṇan // (13) Par.?
sa ya evam etām agner ujjitiṃ veda yatra kāmayata ud iha jayeyam ity ut tatra jayati // (14) Par.?
ya u evaitām indrasyārdhitāṃ veda yatra kāmayate 'rdhī ha syām ity ardhī tatra bhavati // (15) Par.?
ya u evaitāṃ mitrāvaruṇayoḥ kᄆptiṃ veda yatra kāmayate 'va ma iha kalpayatety avāsmai tatra kalpate // (16) Par.?
Duration=0.023936986923218 secs.