Texts

Help

Select a text:
Bibliography
Select a chapter:
 (no revisions)
Associated topic(s): Apālā, atirātra

Show parallels  Show headlines
Use dependency labeler
Chapter id: 16141
  • Click on a sentence to show its analysis
  • Keep the mouse pointer over a lemma to show its meanings.
tām abravīd apāle kiṃkāmāsīti // (1) Par.?
sābravīt // (2) Par.?
imāni trīṇi viṣṭapā tānīndra vi rohaya śiras tatasyorvarām ād idaṃ ma upodare sarvā tā romaśā kṛdhīti // (3) Par.?
khalatir hāsyai pitāsa // (4) Par.?
taṃ hākhalatiṃ cakāra // (5) Par.?
urvarā hāsya na jajñe // (6) Par.?
so ha jajñe // (7) Par.?
upasthe hāsyai romāṇi nāsuḥ // (8) Par.?
tāny u ha jajñire // (9) Par.?
tāṃ khe rathasyātyavṛhat // (10) Par.?
sā godhābhavat // (11) Par.?
tāṃ khe 'naso 'tyavṛhat // (12) Par.?
sā kṛkalāsy abhavat // (13) Par.?
tāṃ khe yugasyātyavṛhat // (14) Par.?
sā saṃśliṣṭikābhavat // (15) Par.?
tad eṣābhyanūcyate // (16) Par.?
khe rathasya khe 'nasaḥ khe yugasya śatakrato 'pālām indra triṣ pūtvy akṛṇoḥ sūryatvacam iti // (17) Par.?
tasyai ha yat kalyāṇatamaṃ rūpāṇāṃ tad rūpam āsa // (18) Par.?
tad etat kāmasani sāma // (19) Par.?
etaṃ vai sā kāmam akāmayata // (20) Par.?
so 'syai kāmaḥ samārdhyata // (21) Par.?
yatkāma evaitena sāmnā stute sam asmai sa kāma ṛdhyate // (22) Par.?
yad v apālātreyy apaśyat tasmād āpālam ity ākhyāyate // (23) Par.?
Duration=0.036961078643799 secs.