Texts

Help

Select a text:
Bibliography
Select a chapter:
 (no revisions)
Associated topic(s): pṛṣṭha

Show parallels  Show headlines
Use dependency labeler
Chapter id: 15512
  • Click on a sentence to show its analysis
  • Keep the mouse pointer over a lemma to show its meanings.
paurumīḍhaṃ dakṣoṇidhanam āyuṣkāmaḥ kurvīta // (1) Par.?
tarantapurumīḍhau vai vaitadaśvī māheyau mahyā ārcanānasyai putrau // (2) Par.?
tau ha yantau strī paryetyovāca putrasya vai tyasyā upatapati tyasyai me cikitsatam iti // (3) Par.?
tau ha krudhyantāv ivocatuḥ kathaṃ nāv itthaṃ brūyād iti // (4) Par.?
taṃ vā arvīṣa upavapeti // (5) Par.?
sā heyaṃ strī śraddhāya devarṣī mā mantrakṛtāv avocatām ity arvīṣa upovāpa // (6) Par.?
tau ha punar āyantau paryetyovāca yaṃ vai kumāram avocatam arvīṣa upavapety ayaṃ vai so 'rvīṣa upoptaḥ śeta iti // (7) Par.?
tau hāsādhv iva kṛtvā menāte // (8) Par.?
tāv akāmayetām ud ita iyāva gātuṃ nāthaṃ vindevahi sam ayaṃ kumāro jīved iti // (9) Par.?
sa etat purumīḍhaḥ sāmāpaśyat // (10) Par.?
tenāstuta // (11) Par.?
agnim īḍiṣvāvase gāthābhiḥ śīraśociṣam agniṃ rāye purumīḍha śrutaṃ naraḥ // (12) Par.?
ko nāma kumāra iti // (13) Par.?
sudītir nāmeti // (14) Par.?
tam agniḥ sudītaye chardir ity evābhyamṛśat // (15) Par.?
sa tānto niravartata // (16) Par.?
tam etena nidhanena samairayad dakṣāyā iti // (17) Par.?
prāṇā vai dakṣāḥ // (18) Par.?
prāṇān evāsmiṃs tad adadhāt // (19) Par.?
tad etad gātuvin nāthavit sāma // (20) Par.?
gātuṃ vai sa tan nātham avindata // (21) Par.?
vindate gātuṃ nāthaṃ ya evaṃ veda // (22) Par.?
yad u purumīḍho 'paśyat tasmāt paurumīḍhaṃ dakṣoṇidhanam ity ākhyāyate // (23) Par.?
Duration=0.042227983474731 secs.