Texts

Help

Select a text:
Bibliography
Select a chapter:
 (no revisions)
Associated topic(s): vājapeya

Show parallels  Show headlines
Use dependency labeler
Chapter id: 12869
  • Click on a sentence to show its analysis
  • Keep the mouse pointer over a lemma to show its meanings.
ā mā vājasya prasavo jagamyād ā mā dyāvāpṛthivī viśvaśaṃbhū / (1.1) Par.?
ā mā ganta pitaro viśvarūpā ā mā somo amṛtatvena gamyāt // (1.2) Par.?
indrāya vācaṃ vadata // (2) Par.?
indrāya vācaṃ saṃvadata // (3) Par.?
indraṃ vājaṃ jāpayata // (4) Par.?
indra vājaṃ jayeyam // (5) Par.?
vaḥ sā satyā saṃvāg abhūd yām indreṇa samadadhvam // (6) Par.?
ajījapata vanaspatayaḥ // (7) Par.?
indrāya vācaṃ vimucyadhvam // (8) Par.?
vājinau vājajitau vājaṃ jitvā bṛhaspater bhāgam avajighratam // (9) Par.?
vājinau vājajitau vājaṃ jitvā bṛhaspater bhāge nimṛjyethām // (10) Par.?
svo rohāvehi // (11) Par.?
svo rohāvehi // (12) Par.?
svo rohāva // (13) Par.?
āyur yajñena kalpate // (14) Par.?
prāṇo yajñena kalpate // (15) Par.?
cakṣur yajñena kalpate // (16) Par.?
śrotraṃ yajñena kalpate // (17) Par.?
mano yajñena kalpate // (18) Par.?
vāg yajñena kalpate // (19) Par.?
brahmā yajñena kalpate // (20) Par.?
pṛṣṭhaṃ yajñena kalpate // (21) Par.?
svar yajñena kalpate // (22) Par.?
yajño yajñena kalpate // (23) Par.?
vājāya svāhā // (24) Par.?
prasavāya svāhā // (25) Par.?
apijāya svāhā // (26) Par.?
kratave svāhā // (27) Par.?
aharpataye svāhā // (28) Par.?
vākpataye svāhā // (29) Par.?
vasave svāhā // (30) Par.?
svar mūrdhā vaiyaśano vyaśyann āntyo 'ntyo bhauvanaḥ // (31) Par.?
bhuvanasya pataye 'dhipataye svāhā // (32) Par.?
annāya tvā // (33) Par.?
vājāya tvā // (34) Par.?
vājajityāyai tvā // (35) Par.?
iṣe tvā // (36) Par.?
ūrje tvā // (37) Par.?
rayyai tvā // (38) Par.?
poṣāya tvā // (39) Par.?
svar devā agāma // (40) Par.?
amṛtā abhūma // (41) Par.?
prajāpateḥ prajā abhūma // (42) Par.?
Duration=0.12936186790466 secs.