Texts

Help

Select a text:
Bibliography
Select a chapter:
 (no revisions)
Associated topic(s): Indra

Show parallels  Show headlines
Use dependency labeler
Chapter id: 13093
  • Click on a sentence to show its analysis
  • Keep the mouse pointer over a lemma to show its meanings.
yathā manau sāṃvaraṇaṃ somam indrāpibaḥ sutam / (1.1) Par.?
nīpātithau maghavan medhyātithau puṣṭigau śruṣṭigau sacā // (1.2) Par.?
pārṣadvānaḥ praskaṇvaṃ samasādayacchayānaṃ jivrim uddhitam / (2.1) Par.?
sahasrāṇy āsiṣāsad gavām ṛṣis tvoto dasyave vṛkaḥ // (2.2) Par.?
ya ukthebhir na vindhate cikid ya ṛṣicodanaḥ / (3.1) Par.?
indraṃ tam acchāvada navyasyā maty aviṣyantaṃ na bhojase // (3.2) Par.?
yasmā arkaṃ saptaśīrṣāṇam ānṛcus tridhātum uttame pade / (4.1) Par.?
sa tv imā viśvā bhuvanāni cikradad ād ij janiṣṭa pauṃsyam // (4.2) Par.?
yo no dātā vasūnām indraṃ taṃ hūmahe vayam / (5.1) Par.?
vidmā hy asya sumatiṃ navīyasīṃ gamema gomati vraje // (5.2) Par.?
yasmai tvaṃ vaso dānāya śikṣasi sa rāyaspoṣam aśnute / (6.1) Par.?
taṃ tvā vayaṃ maghavann indra girvaṇaḥ sutāvanto havāmahe // (6.2) Par.?
kadā cana starīr asi nendra saścasi dāśuṣe / (7.1) Par.?
upopennu maghavan bhūya in nu te dānaṃ devasya pṛcyate // (7.2) Par.?
pra yo nanakṣe abhy ojasā kriviṃ vadhaiḥ śuṣṇaṃ nighoṣayan / (8.1) Par.?
yaded astambhīt prathayann amūṃ divam ād ijjaniṣṭa pārthivaḥ // (8.2) Par.?
yasyāyaṃ viśva āryo dāsaḥ śevadhipā ariḥ / (9.1) Par.?
tiras cid arye ruśame pavīravi tubhyet so ajyate rayiḥ // (9.2) Par.?
turaṇyavo madhumanto ghṛtaścuto viprāso arkam ānṛcuḥ / (10.1) Par.?
asme rayiḥ paprathe vṛṣṇyaṃ śavo 'sme suvānāsa indavaḥ // (10.2) Par.?
Duration=0.10993695259094 secs.