Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16179

Click on a sentence to show its analysis
Keep the mouse pointer over a lemma to show its meanings.

sa haivaṃ vidvān ahorātraśo 'rdhamāsaśo māsaśa ṛtuśaḥ saṃvatsaraśa etasmin sarvasminn ātmānam upasaṃdhāya taṃ mṛtyuṃ tarati yaḥ svarge loke // (1) Par.?

na haivaṃvit punar mriyate // (2) Par.?

tasya harṅmayāny asthāni bhavanti sāmamayāni māṃsāni // (3) Par.?

sa eṣo 'pahatapāpmā dhūtaśarīro 'tītyaitaṃ mṛtyuṃ śarīraṃ dhūnute // (4) Par.?

athaite daivī ca mānuṣī ca virājau // (5) Par.?

tayor eṣa etad ādityo 'dhyūḍhas tapati // (6) Par.?

catasro diśaś catvāro 'vāntaradeśā dvāv imau lokau // (7) Par.?

eṣā daivī virāṭ // (8) Par.?

atha mānuṣī // (9) Par.?

catvāro 'ttāraṣ ṣaḍ ādyāḥ // (10) Par.?

brāhmaṇaś ca rājanyaś ca vaiśyaś ca śūdraś caite 'ttāraḥ // (11) Par.?

gauś cāśvaś cājā cāviś ca vrīhiś ca yavaś caita ādyāḥ // (12) Par.?

etayor eṣa etad ādityo 'dhyūḍhas tapati // (13) Par.?

tan na śoko na himo nāśanāyati na pipāsati nāsya kācanāvṛttir asti // (14) Par.?

na ha vā aśanāyati na pipāsati nāsya kācanāvṛttir bhavati ya evaṃ veda // (15) Par.?

Duration=0.023174047470093 secs.