Texts

gāyatrīṃ gāyati // (1) Par.?

prāṇo vai gāyatrī // (2) Par.?

tasyai dve akṣare vyatiṣajati // (3) Par.?

prāṇāpānāv eva tad vyatiṣajati // (4) Par.?

tasmāt prāṇāpānau vyatiṣaktau prajā anusaṃcarata ā ca parā cāyātayāmānau // (5) Par.?

tām adhīyan gāyet // (6) Par.?

yad anadhīyan gāyen mṛtā garbhā jāyeran // (7) Par.?

mṛtā ha vai durudgātur vartanyāṃ garbhā jāyante // (8) Par.?

triṣṭubhaṃ gāyati // (9) Par.?

cakṣur vai triṣṭup // (10) Par.?

tasyai dve akṣare dyotayati // (11) Par.?

cakṣuṣī eva tad dadhāti // (12) Par.?

tasmād yukte iva cakṣuṣī // (13) Par.?

tām adhīyan gāyet // (14) Par.?

yad anadhīyan gāyed andhā garbhā jāyeran // (15) Par.?

andhā ha vai durudgātur vartanyāṃ garbhā jāyante // (16) Par.?

jagatīṃ gāyati // (17) Par.?

śrotraṃ vai jagatī // (18) Par.?

tasyai catvāry akṣarāṇi dyotayati // (19) Par.?

śrotram eva tad dadhāti // (20) Par.?

śrotre dve pariśravaṇe dve // (21) Par.?

tasmāt samānatra san sarvā anudiśaś śṛṇoti // (22) Par.?

api parāṅ yan paścād vadataś śṛṇoti // (23) Par.?

tām adhīyan gāyet // (24) Par.?

yad anadhīyan gāyed badhirā garbhā jāyeran // (25) Par.?

badhirā ha vai durudgātur vartanyāṃ garbhā jāyante // (26) Par.?

anuṣṭubhaṃ gāyati // (27) Par.?

vāg vā anuṣṭup // (28) Par.?

tām arvācīm abhinudan gāyati vāco 'napakramāya // (29) Par.?

yat parācīm apanudan gāyed vācaṃ pradhamed vāg asmād apakrāmukā syāt // (30) Par.?

tāṃ yad arvācīm abhinudan gāyaty ātmann eva tad vācaṃ pratiṣṭhāpayati // (31) Par.?

tasyai niruktaṃ cāniruktaṃ ca pade gāyati // (32) Par.?

niruktena vai vāco bhuñjate 'niruktam asyā upajīvanīyam // (33) Par.?

bhuṅkte vācopa caināṃ jīvati ya evaṃ veda // (34) Par.?

sa yan niruktam eva gāyed vadeyur eva prajā na tūṣṇīm āsīran // (35) Par.?

atha yad aniruktaṃ gāyet tūṣṇīm eva prajā āsīran na vadeyuḥ // (36) Par.?

yasmān niruktaṃ cāniruktaṃ ca pade gāyati tasmāt prajā vadanti ca tūṣṇīṃ cāsate // (37) Par.?