Texts

tāṃ balavad upabdimatīṃ nighātaṃ gāyet // (1) Par.?

nighnad iva ha khalu vā etac chando yad anuṣṭup // (2) Par.?

anuṣṭubhā vai vācā chandasā devā asurān avāco 'vāghnan // (3) Par.?

tāṃ yad balavad upabdimatīṃ nighātaṃ gāyati bhrātṛvyo vai pāpmā bhrātṛvyam etat pāpmānam avāñcam avahanti śriyam ātmanāśnute // (4) Par.?

tām adhīyan gāyet // (5) Par.?

yad anadhīyan gāyed ajihvā garbhā jāyeran // (6) Par.?

ajihvā ha vai durudgātur vartanyāṃ garbhā jāyante // (7) Par.?

paṅktiṃ gāyati // (8) Par.?

ṛtavo vai paṅktiḥ // (9) Par.?

tāṃ gāyatram eva prasṛtāṃ gāyati // (10) Par.?

tasmād garbhā jāyamānāḥ prasāryante // (11) Par.?

tām adhīyan gāyet // (12) Par.?

yad anadhīyan gāyet sāmi garbhāḥ pateyuḥ // (13) Par.?

sāmi ha vai durudgātur vartanyāṃ garbhāḥ patanti // (14) Par.?

atha yad etad uttamaṃ tṛcaṃ janmaiva tat // (15) Par.?

praiva tena janayati // (16) Par.?

mano vai retasyā prāṇo gāyatrī cakṣus triṣṭup śrotraṃ jagatī vāg anuṣṭup // (17) Par.?

sa yo mano retasyeti vidvān udgāyati mahāmanā manasvy asmād ājāyate // (18) Par.?

atha yaḥ prāṇo gāyatrīti vidvān udgāyati sarvam āyur eti // (19) Par.?

atha yo 'smād ājāyate sa sarvam āyur eti // (20) Par.?

atha yaś cakṣus triṣṭub iti vidvān udgāyaty ahrītamukhī paśyo draṣṭāsmād ājāyate darśanīyaḥ // (21) Par.?

atha yaś śrotraṃ jagatīti vidvān udgāyati śuśrūṣuś śrotriyo 'smād ājāyate śravaṇīyaḥ // (22) Par.?

atha yo vāg anuṣṭub iti vidvān udgāyati śaṃstodgātā vācorādhy asmād ājāyate // (23) Par.?