Texts

Help

Select a text:
Bibliography
Select a chapter:
 (no revisions)
Associated topic(s): uktha

Show parallels  Show headlines
Use dependency labeler
Chapter id: 15561
  • Click on a sentence to show its analysis
  • Keep the mouse pointer over a lemma to show its meanings.
tāsu sākamaśvam // (1) Par.?
devā vai svargakāmās tapo 'tapyanta // (2) Par.?
ta etat sāmāpaśyan // (3) Par.?
tenāstuvata // (4) Par.?
tad enān aśva eva bhūtvā svargaṃ lokam avahat // (5) Par.?
te 'bruvan svargaṃ lokaṃ gatvā sākaṃ vā aśvena svargaṃ lokam aganmeti // (6) Par.?
tad eva sākamaśvasya sākamaśvatvam // (7) Par.?
tad etat svargyaṃ sāma // (8) Par.?
aśnute svargaṃ lokaṃ ya evaṃ veda // (9) Par.?
pramaṃhiṣṭhīyaṃ bhrātṛvyavān kurvīta // (10) Par.?
indro vṛtrāya vajram udayacchat // (11) Par.?
taṃ nāśaknot prahartum // (12) Par.?
sa yadaiva prety apaśyad athainam ahan // (13) Par.?
hanti dviṣantaṃ bhrātṛvyaṃ ya evaṃ veda // (14) Par.?
yad u prety apaśyat tasmāt pramaṃhiṣṭhīyam ity ākhyāyate // (15) Par.?
satrāsāhīyaṃ kurvīta yasya tvad ivājitaṃ syāt // (16) Par.?
indro 'surān ajayat // (17) Par.?
teṣāṃ tvān iva nājayat // (18) Par.?
so 'kāmayata satrā sarvān asurān saheyeti // (19) Par.?
sa etat sāmāpaśyat // (20) Par.?
tenāstuta // (21) Par.?
tena satrā sarvān asurān asahata // (22) Par.?
tad yat satrā sarvān asurān asahata tat satrāsāhīyasya satrāsāhīyatvam // (23) Par.?
satrā dviṣantaṃ bhrātṛvyaṃ sahate ya evaṃ veda // (24) Par.?
daivodāsaṃ purodhākāmaḥ kurvīta // (25) Par.?
āgneyo brāhmaṇa aindro rājanyaḥ // (26) Par.?
āgneyaindram etat sāma // (27) Par.?
brahma vā agniḥ kṣatram indraḥ // (28) Par.?
brahmaṇaiva tat kṣatraṃ dadhāra kṣatreṇa brahma // (29) Par.?
tathā hāsmād rāṣṭram anapakrami bhavati gacchati purodhāṃ pura enaṃ dadhate // (30) Par.?
Duration=0.067306041717529 secs.