Texts

athaitāṃ svareṇānuṣṭubham abhyārohati // (1) Par.?

prāṇaḥ svaraḥ // (2) Par.?

vāg anuṣṭup // (3) Par.?

etad vai daivyaṃ mithunaṃ yad vāk ca prāṇaś ca // (4) Par.?

daivyam eva tan mithunaṃ dadhāti // (5) Par.?

sa yan nidhanenābhyārohed vajro vai nidhanaṃ vajreṇa daivyaṃ mithunaṃ vīyāt // (6) Par.?

sa yadi svarasyāvakāśaṃ na vinded vāṅnidhanenābhyārohet // (7) Par.?

vāg anuṣṭup // (8) Par.?

vāṅ nidhanam // (9) Par.?

na vai vāg vācaṃ hinasti // (10) Par.?

athaitan madhyenidhanaṃ dvitīyaṃ bhavati // (11) Par.?

vāg vā anuṣṭup // (12) Par.?

tad yad vāco 'nuṣṭubho madhyenidhanaṃ bhavati retassiktir eva sā // (13) Par.?

tat sahiṃkāraṃ bhavati // (14) Par.?

nābhir vai hiṃkāraḥ // (15) Par.?

nābhyo ha vai dhṛtā garbhā avācīnabilebhyo nāvapadyante // (16) Par.?

nābhidhṛtā ha vai garbhāḥ // (17) Par.?

tasyaitad daśākṣaraṃ madhyenidhanaṃ bhavati // (18) Par.?

daśākṣarā virāṭ // (19) Par.?

annaṃ virāṭ // (20) Par.?

etaddha vai tad garbhā annam anaśnanta upajīvanti // (21) Par.?

athaitāṃ svareṇa jagatīm abhyārohati // (22) Par.?

prāṇaḥ svaraḥ // (23) Par.?

puruṣasammita eṣa yat pavamānaḥ // (24) Par.?

svāraṃ purastād bhavati svāram upariṣṭāt // (25) Par.?

tāv imau puruṣasya prāṇāpānau viparyūḍhau // (26) Par.?

tābhyāṃ viṣvañci svarati // (27) Par.?

atha yajñāyajñīyam // (28) Par.?

retassiktir eva sā // (29) Par.?

atha sākamaśvaṃ svāram // (30) Par.?

prāṇo vai svaraḥ // (31) Par.?

asminn evaitad retasi sikte prāṇaṃ pratidadhāti // (32) Par.?

atha saubharaṃ nidhanam // (33) Par.?

janmaiva tat // (34) Par.?

praiva tena janayati // (35) Par.?

atha nārmedham aiḍam // (36) Par.?

paśavo vā iḍā // (37) Par.?

annaṃ paśavaḥ // (38) Par.?

yad eva jātābhyo 'nnādyaṃ pratidhīyate tad evaitat // (39) Par.?

evaṃ prathamaḥ paryāya evaṃ dvitīya evaṃ tṛtīyaḥ // (40) Par.?