Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 13997
  • Click on a sentence to show its analysis
  • Keep the mouse pointer over a lemma to show its meanings.
kuvalasaktubhir āśvinaṃ śrīṇāti // (1) Par.?
badarasaktubhir aindram // (2) Par.?
karkandhusaktubhiḥ sārasvatam // (3) Par.?
vāg vai sarasvatī // (4) Par.?
vācaivāsmint svādumānaṃ dadhāti // (5) Par.?
atha yainam asā aślīlaṃ vāg abhivadati // (6) Par.?
atyapaviṣṭa vyārdhiṣṭeti // (7) Par.?
sainaṃ punaḥ kalyāṇaṃ vadati // (8) Par.?
siṃhā adhvaryur dhyāyati // (9) Par.?
vyāghrau pratiprasthātā // (10) Par.?
vṛkau yajamānaḥ // (11) Par.?
eṣā surā bhavati // (12) Par.?
sa yair eva tad indriyair vīryair vyṛdhyate tāny asminn āptvā dhattaḥ // (13) Par.?
brāhmaṇasya mūrdhant sādyā // (14) Par.?
medhyatvāya // (15) Par.?
annaṃ vai surā // (16) Par.?
medhyaṃ vā annam // (17) Par.?
tena medhyā // (18) Par.?
ekā puroruk // (19) Par.?
ekā yājyā // (20) Par.?
ekadhāsmin vīryaṃ dadhāti // (21) Par.?
brāhmaṇaḥ pāyayitavyaḥ // (22) Par.?
tena haviḥ kriyate // (23) Par.?
ātmanā peyā // (24) Par.?
ātmann eva vīryaṃ dhatte // (25) Par.?
agnau sarvā hotavyāḥ // (26) Par.?
samṛddhyai // (27) Par.?
madhyato vā eṣa pāpmanā gṛhītaḥ // (28) Par.?
yat samayā vyeti madhyata evainaṃ pāpmano muñcati // (29) Par.?
yad āhavanīye juhuyān na pāpmanā vyāvarteta kriyeta bheṣajam // (30) Par.?
atha yad dakṣiṇe juhoti vi pāpmanāvartate kriyate bheṣajam // (31) Par.?
atha yad vikṣārayati evam iva hy eṣa vikṣarati // (32) Par.?
śatakṣaro bhavati // (33) Par.?
śatāyur vai puruṣaḥ śatavīryaḥ // (34) Par.?
āyur eva vīryam āpnoti // (35) Par.?
yad vā etasya vyārdhi yat prāmāyi pitṝn vā etasya tad agan // (36) Par.?
yat pitṛmatībhir anumantrayante pitṛbhya evainaṃ tena samīrayanti // (37) Par.?
yat tisras tṛtīye hi loke pitaraḥ // (38) Par.?
atha yac catvāro digbhya evainaṃ tena samīrayanti // (39) Par.?
Duration=0.11567711830139 secs.