Texts

sapta vai bandhumatīr iṣṭakā agnau cityā upadhīyante // (1) Par.?

tā vai tā amuṣmā eva lokāya sapta grāmyā iṣṭakāḥ // (2) Par.?

tā atropadheyāḥ // (3) Par.?

gauś cāśvaś cāśvataraś ca gardabho 'jā cāviś ca puruṣaḥ // (4) Par.?

yad gām ālabhate gavaiva citā bhavanti // (5) Par.?

atho ālabdha evopadhīyante // (6) Par.?

parāṅ vā eṣa chandobhiḥ svargaṃ lokam etyanyadanyacchandaḥ samāroham // (7) Par.?

upa tvāgne dive divā iti yad etena gāyatreṇa tṛcenopatiṣṭhate iyaṃ vai gāyatrī asyām eva pratitiṣṭhati // (8) Par.?

agne tvaṃ no antamā ity eṣā vā agner astaryā priyā tanūr varūthyā // (9) Par.?

tām eva praiti // (10) Par.?

nainam abhidāsant stṛṇute // (11) Par.?

catasṛbhir dvipadābhir upatiṣṭhate // (12) Par.?

catuṣpādo vai paśavaḥ // (13) Par.?

dvipād yajamānaḥ // (14) Par.?

gṛhā gārhapatyaḥ // (15) Par.?

gṛheṣu caiva paśuṣu ca pratitiṣṭhati // (16) Par.?

ūrjā vaḥ paśyāmy ūrjā mā paśyatety ūrjaināḥ paśyati // (17) Par.?

ūrjainaṃ paśyanti // (18) Par.?

rayyā vaḥ paśyāmi rayyā mā paśyateti rayyaināḥ paśyati // (19) Par.?

rayyainaṃ paśyanti // (20) Par.?

saṃpaśyāmi prajā aham iḍaprajaso mānavīḥ / (21.1) Par.?

sarvā bhavantu no gṛhe // (21.2) Par.?

ityaiḍīś ca vā imāḥ prajā mānavīś ca // (22) Par.?

tā evāvārunddha // (23) Par.?

tā ādyā akṛta // (24) Par.?

iḍāḥ stha madhukṛtā itīḍā hy etā madhukṛtaḥ // (25) Par.?

syonā māviśateraṃmadā itīraṃmado hy etāḥ // (26) Par.?

bhuvanam asi sahasrapoṣapuṣīti bhuvanaṃ hy etat sahasrapoṣapuṣi // (27) Par.?

tasya no rāsva tasya te bhaktivāno bhūyāsmety āśiṣam evāśāste // (28) Par.?

iḍāsi vratabhṛd itīḍā hy eṣā vratabhṛt // (29) Par.?

tvayi vrataṃ vratabhṛd asīti vratabhṛddhyeṣā // (30) Par.?