Texts

Help

Select a text:
Bibliography
Select a chapter:
 (no revisions)
Associated topic(s): bahiṣpavamāna, out-of-doors laud

Show parallels  Show headlines
Use dependency labeler
Chapter id: 13881
  • Click on a sentence to show its analysis
  • Keep the mouse pointer over a lemma to show its meanings.
retasyāṃ gāyati // (1) Par.?
retas tat siñcati // (2) Par.?
saṃtatam iva gāyati // (3) Par.?
saṃtatam iva vai retaḥ // (4) Par.?
parokṣam iva gāyati // (5) Par.?
parokṣam iva vai retaḥ // (6) Par.?
narcam upaspṛśet // (7) Par.?
yad ṛcam upaspṛśed reto vicchindyāt // (8) Par.?
tryudāsāṃ gāyati // (9) Par.?
prāṇam eva prathamenodāsena parigṛhṇāty apānaṃ dvitīyena vyānaṃ tṛtīyena // (10) Par.?
tryudāsāṃ gāyati // (11) Par.?
ātmānam eva prathamenodāsena parigṛhṇāti jāyāṃ dvitīyena prajāṃ tṛtīyena // (12) Par.?
tryudāsāṃ gāyati // (13) Par.?
imam eva lokaṃ prathamenodāsenābhyārohaty antarikṣaṃ dvitīyenāmuṃ tṛtīyena // (14) Par.?
sa yo haivaṃ vidvāṃs tryudāsāṃ gāyaty abhi ha bhrātṛvyalokāya vijayate // (15) Par.?
sa yo bhrātṛvyalokaṃ cichitsed dvyudāsām eva gāyet // (16) Par.?
oṣam asya dviṣan bhrātṛvyaḥ parābhavati śriyam ātmanāśnute // (17) Par.?
īśvaro ha tu pramāyuko bhavitoḥ // (18) Par.?
prāṇebhyo hy eti tryudāsāyai // (19) Par.?
sa tathaiva cikīrṣed yathā sarvam āyur iyāt // (20) Par.?
anyena bhrātṛvyalokaṃ cichitset // (21) Par.?
tryudāsām eva gāyen na hiṃkuryāt // (22) Par.?
yaddhiṃkuryād vajreṇa hiṃkāreṇa reto vicchindyāt // (23) Par.?
Duration=0.05945897102356 secs.