Texts

Help

Select a text:
Bibliography
Select a chapter:
 (no revisions)
Associated topic(s): gāyatrī

Show parallels  Show headlines
Use dependency labeler
Chapter id: 15449
  • Click on a sentence to show its analysis
  • Keep the mouse pointer over a lemma to show its meanings.
devān vai yajñasyāhutir nāgacchat // (1) Par.?
sa prajāpatir aikṣata kathaṃ nu devān yajñasyāhutir gacched iti // (2) Par.?
sa ete dve akṣare gāyatryā udakhidat // (3) Par.?
sa eva dvyakṣaro vaṣaṭkāro 'bhavat // (4) Par.?
tato vai devān yajñasyāhutir agacchat // (5) Par.?
tad annaṃ vai vaṣaṭkāraḥ // (6) Par.?
atty annaṃ ya evaṃ veda // (7) Par.?
indro vṛtrāya vajram udayacchat // (8) Par.?
tasyaite akṣare cakrāv āstām // (9) Par.?
vajro vā eṣa // (10) Par.?
ya ete nispṛśed vajraṃ nispṛśet // (11) Par.?
yo vai dugdhād dugdham upaiti na sa āpyāyate // (12) Par.?
atha yo 'dugdhād dugdham upaiti sa āpyāyate // (13) Par.?
dugdhād vā eṣa dugdham upaiti ya ete akṣare upaiti // (14) Par.?
tasmād ete akṣare nopetye // (15) Par.?
yasya vai sarvā gāyatrī gīyate sarvam asya gṛhe 'dhigamyate // (16) Par.?
yasyonā gīyata īśvaro rūkṣo bhavitoḥ // (17) Par.?
anyatarad akṣaram avagṛhya vācaṃ caturviṃśīm upeyāt // (18) Par.?
nāsyonā gāyatrī gīyate ni ca spṛśati na ca // (19) Par.?
Duration=0.041227102279663 secs.