Texts

svāyudhaḥ pavate deva indur aśastihā vṛjanā rakṣamāṇaḥ pitā devānāṃ janitā sudakṣo viṣṭambho divo dharuṇaḥ pṛthivyā iti // (1) Par.?

ā divo viṣṭambham ucchiśriyatuḥ // (2) Par.?

taṃ haivāsurā nātīyuḥ // (3) Par.?

tau hābhiḥ kāmadughābhir devān ājagmatuḥ // (4) Par.?

tau hāgatau mahayāṃcakrur ṛṣir vipraḥ puraetā janānām ṛbhur dhīra uśanā kāvyena sa cid viveda nihitaṃ yad āsām apīcyaṃ guhyaṃ nāma gonām iti // (5) Par.?

tā etāḥ paśavyā ṛcaḥ // (6) Par.?

ava paśūn runddhe bahupaśur bhavaty etābhir ṛgbhis tuṣṭuvānaḥ // (7) Par.?

tāsv auśanam // (8) Par.?

uśanā vai kāvyo deveṣv amartyaṃ gandharvalokam aicchata // (9) Par.?

sa etat sāmāpaśyat // (10) Par.?

tenāstuta // (11) Par.?

tato vai sa deveṣv amartyaṃ gandharvalokam āśnuta // (12) Par.?

tad etal lokavit sāma // (13) Par.?

aśnute deveṣv amartyaṃ gandharvalokam etena tuṣṭuvānaḥ // (14) Par.?

yad uśanā kāvyo 'paśyat tasmād auśanam ity ākhyāyate // (15) Par.?

tat svāraṃ bhavati // (16) Par.?

svareṇa vai devebhyo 'ntato 'nnādyaṃ pradīyate // (17) Par.?

ṛksamaṃ pavamānānte bhavati // (18) Par.?

narcā sāmātirecayanti narcaṃ sāmnā // (19) Par.?

tad yad iheva ceheva ca pavamāne na stuvata etasyaiva samatāyai samaṃ kﾱptyai // (20) Par.?

padānusvāraṃ purastād gāyatraṃ bhavati padānusvāram upariṣṭāt pavamānānte // (21) Par.?

tasmād ubhayataḥprāṇāḥ prajā ūrdhvāś cāvācīś ca // (22) Par.?

dviṣāmṇī gāyatrī // (23) Par.?

yo 'yam avāṅ prāṇa eṣa eva sa // (24) Par.?

tasmād etena dvayaṃ prāṇena karoti bhasma ca karoti vātaṃ ca // (25) Par.?

dviṣāmṇī bṛhatī // (26) Par.?

yo 'yaṃ prāṅ prāṇa eṣa eva sa // (27) Par.?

tasmād etena dvayaṃ prāṇena karoti retaś ca siñcati mehati ca // (28) Par.?

ekasāmnī triṣṭup // (29) Par.?

nābhir eva sā // (30) Par.?

tasyām ekaṃ sāma // (31) Par.?

tasmād etenaikam eva prāṇena karoti yad eva prāṇān udanato 'nūdaniti // (32) Par.?