Texts

Help

Select a text:
Bibliography
Select a chapter:
 (no revisions)
Associated topic(s): pṛṣṭha

Show parallels  Show headlines
Use dependency labeler
Chapter id: 15470
  • Click on a sentence to show its analysis
  • Keep the mouse pointer over a lemma to show its meanings.
devāsurā aspardhanta // (1) Par.?
te devā vajraṃ kṣurapavim asṛjanta puruṣam eva // (2) Par.?
tam asurān abhyavṛñjan // (3) Par.?
so 'surān apopya devān abhyāvartata // (4) Par.?
tasmād devā abibhayuḥ // (5) Par.?
tam abhipadya bṛhadrathantarayoḥ prauhan // (6) Par.?
sa eṣa vajraḥ kṣurapavir bṛhadrathantarayoḥ proḍhaḥ puruṣa eva // (7) Par.?
sa yaṃ dviṣyād bṛhadrathantarayor enaṃ mukhe 'pidadhyāt // (8) Par.?
yadi rāthantaraḥ somaḥ syād rathantare prastute brūyān namo mātre pṛthivyai rathantara mā mā hiṃsīr iti // (9) Par.?
yadi bārhataḥ somaḥ syād bṛhati prastute brūyād divaṃ pitaram upaśraye bṛhan mā mā hiṃsīr iti // (10) Par.?
athānumantrayeta prāṇair amuṣya prāṇān vṛṅkṣva takṣaṇena tekṣṇīyasāyur asya prāṇān vṛṅkṣva kruddha enaṃ manyunā daṇḍena jahi dhanur enam ātatyeṣvā vidhyeti // (11) Par.?
bṛhadrathantarayor evainaṃ mukhe 'pidadhāti // (12) Par.?
yaṃ dveṣṭi taṃ purā saṃvatsarāt prāṇo jahāti // (13) Par.?
yo vai devarathaṃ veda rathī bhavati // (14) Par.?
yajño vāva devarathaḥ // (15) Par.?
tasya bahiṣpavamānam eva rathamukhaṃ bṛhadrathantare aśvāv ājyāni yoktrāṇy abhīśū pavamānau pakṣasī // (16) Par.?
Duration=0.025675773620605 secs.