Texts

nety abruvan sādhuvibhaktā no lokās tān na śakṣyāmaḥ saṃlobhayitum iti // (1) Par.?

te 'bruvan yad vayam iha svayaṃ paśyāmas tad asmākam astv iti // (2) Par.?

tebhya etāḥ kalindāḥ prāyacchann etāsu śrāmyateti // (3) Par.?

tad yat kalibhyaḥ kalindāḥ prāyacchaṃs tat kalindānāṃ kalindatvam // (4) Par.?

sa etat kalir vaitadanyaḥ sāmāpaśyat // (5) Par.?

tenāstuta // (6) Par.?

tenemam avāntaradeśaṃ duryantaṃ lokam apaśyat // (7) Par.?

tam ajayat // (8) Par.?

tad etal lokavit sāma // (9) Par.?

vindate lokam etena tuṣṭuvānaḥ // (10) Par.?

gandharvalokatāṃ ha tvāva nātijayati // (11) Par.?

gandharvalokāntam ivaiva jayati // (12) Par.?

yad u kalir vaitadanyo 'paśyat tasmāt kāleyam ity ākhyāyate // (13) Par.?

devā vai pūrvābhyāṃ savanābhyāṃ tṛtīyasavanaṃ pravṛhya svargaṃ lokam āyan // (14) Par.?

ta ime lokā vyavṛhyanta vi yajño 'vṛhyata // (15) Par.?

te devā akāmayanta sam imān lokān dadhyāma saṃ yajñaṃ dadhyāmeti // (16) Par.?

ta etat sāmāpaśyan // (17) Par.?

tenāstuvata // (18) Par.?

tenemān lokān samadadhuḥ saṃ yajñam adadhuḥ // (19) Par.?

tad yad imān lokān samadadhus tad vā asya svargyam // (20) Par.?

tena gandharvalokatām atijayati // (21) Par.?

taro vai yajñaḥ stomo vidadvasuḥ // (22) Par.?

yajñena ca vāva te tat stomena cemān lokān samadadhuḥ saṃ yajñam adadhuḥ // (23) Par.?

yajñena caivāsya stomena ca yajñaḥ saṃhito bhavatīme ca lokā ya evaṃ veda // (24) Par.?

somo ha khalu vai rājā kāleyam // (25) Par.?

sadevo hāsya yajño bhavati // (26) Par.?

yathā ha vā idaṃ baddhavatsā hiṃkarakṛtī dhāvaty evaṃ ha vāva tam indraḥ somam āgacchati yasmin kāleyena stuvanti // (27) Par.?

tasmād u haitasmāt sāmno naiva kadācaneyāt sendro me sadevo yajño 'sad iti // (28) Par.?

sendram evaitena sadevaṃ yajñaṃ kurute // (29) Par.?

tad aiḍam acchāvākasāma bhavati // (30) Par.?

paśavo vā iḍā // (31) Par.?

paśuṣv eva tat pratitiṣṭhati // (32) Par.?