Texts

taptāyanī me 'si / (1.1) Par.?

vittāyanī me 'si / (1.2) Par.?

avatān mā nāthitam / (1.3) Par.?

avatād vyathitam / (1.4) Par.?

agne aṅgiro yo 'syāṃ pṛthivyām adhy asy āyunā nāmnehi / (1.5) Par.?

vasavas tvā harantu gāyatreṇa chandasā / (1.6) Par.?

vitsva yajñapateḥ / (1.7) Par.?

yat te 'nādhṛṣṭaṃ dhāmānādhṛṣyaṃ tena tvādadhe / (1.8) Par.?

agne aṅgiro yo dvitīyasyāṃ pṛthivyām adhy asy āyunā nāmnehi / (1.9) Par.?

rudrās tvā harantu traiṣṭubhena chandasā / (1.10) Par.?

vitsva yajñapateḥ / (1.11) Par.?

yat te 'nādhṛṣṭaṃ dhāmānādhṛṣyaṃ tena tvādadhe / (1.12) Par.?

agne aṅgiro yas tṛtīyasyāṃ pṛthivyām adhy asy āyunā nāmnehi / (1.13) Par.?

ādityās tvā harantu jāgatena chandasā / (1.14) Par.?

vitsva yajñapateḥ / (1.15) Par.?

yat te 'nādhṛṣṭaṃ dhāmānādhṛṣyaṃ tena tvādadhe / (1.16) Par.?

vider agne nabho nāma yat te / (1.17) Par.?

siṃhīr asi / (1.18) Par.?

mahiṣīr asi / (1.19) Par.?

devebhyaḥ śundhasva / (1.20) Par.?

devebhyaḥ śumbhasva / (1.21) Par.?

indraghoṣās tvā purastād vasubhiḥ pāntu / (1.22) Par.?

pitaras tvā manojavā dakṣiṇataḥ pāntu / (1.23) Par.?

rudrās tvā pracetasaḥ paścāt pāntu / (1.24) Par.?

viśvakarmā tvādityair uttarāt pātu / (1.25) Par.?

siṃhīr asi sapatnasāhī svāhā / (1.26) Par.?

siṃhīr asi rāyaspoṣavaniḥ svāhā / (1.27) Par.?

siṃhīr asi suprajāvaniḥ svāhā / (1.28) Par.?

siṃhīr asy ādityavaniḥ sajātavaniḥ svāhā / (1.29) Par.?

siṃhīr asi / (1.30) Par.?

āvaha devān devāyate yajamānāya svāhā / (1.31) Par.?

bhūtebhyas tvā / (1.32) Par.?

viśvāyur asi / (1.33) Par.?

pṛthivīṃ dṛṃha / (1.34) Par.?

dhruvakṣitir asi / (1.35) Par.?

antarikṣaṃ dṛṃha / (1.36) Par.?

acyutakṣid asi / (1.37) Par.?

divaṃ dṛṃha / (1.38) Par.?

agner bhasmāsi / (1.39) Par.?

agneḥ purīṣam asi / (1.40) Par.?

agneḥ kulāyam asi // (1.41) Par.?

vibhrāḍ bṛhat pibatu somyaṃ madhv āyur dadhad yajñapatā avihrutam / (2.1) Par.?

vātajūto yo abhirakṣati tmanā prajāḥ piparti bahudhā virājati // (2.2) Par.?