Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, avakīrṇaprāyaścitta, penance, prāyaścitta, prāyaścitta

Show parallels  Show headlines
Use dependency labeler
Chapter id: 16322
  • Click on a sentence to show its analysis
  • Keep the mouse pointer over a lemma to show its meanings.
tad āhuḥ katidhāvakīryamāṇaḥ praviśatīti // (1) Par.?
caturdheti brūyāt // (2) Par.?
caturdhā ha vā eṣa praviśati yo 'vakīryata indraṃ balena marutaḥ prāṇena bṛhaspatiṃ brahmavarcasenāgnim evetareṇa sarveṇa // (3) Par.?
athāśukraḥ pariśiṣyate // (4) Par.?
tasyaiṣā prāyaścittiḥ // (5) Par.?
amāvāsyāṃ rātrim agnim upasamādhāya paristīrya pariṣicyaite āhutī juhuyāt // (6) Par.?
kāmāvakīrṇo 'smy avakīrṇo 'smi kāma kāmāya svāhā // (7) Par.?
kāmābhidrugdho 'smy abhidrugdho 'smi kāma kāmāya svāheti // (8) Par.?
so 'ñjaliṃ kṛtvā trir upatiṣṭhatu // (9) Par.?
saṃ mā siñcantu marutaḥ sam indraḥ saṃ bṛhaspatis saṃ māyam agniḥ siñcatv āyuṣā ca balena ca dīrgham āyuḥ kṛṇotu ma iti // (10) Par.?
sa yad āha saṃ mā siñcantu maruta iti maruta evāsmai tat punaḥ prāṇaṃ dadati ya evaṃ veda tasmai // (11) Par.?
sa yad āha sam indra itīndra evāsmai tat punar balaṃ dadāti ya evaṃ veda tasmai // (12) Par.?
sa yad āha saṃ bṛhaspatir iti bṛhaspatir evāsmai tad brahmavarcasaṃ dadāti ya evaṃ veda tasmai // (13) Par.?
sa yad āha sam agnir ity agnir evainaṃ tat sarveṇetareṇa samardhayati yenāvakīryamāṇo vyṛdhyate // (14) Par.?
sa trir abhimantrayate // (15) Par.?
traya ime lokāḥ // (16) Par.?
āpnotīmāṃs trīn lokān sarvam āyur ety ava pāpmānaṃ hate gacchati svargaṃ lokam // (17) Par.?
Duration=0.026185989379883 secs.