Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 14276
  • Click on a sentence to show its analysis
  • Keep the mouse pointer over a lemma to show its meanings.
kramadhvam agninā nākam ukhyaṃ hasteṣu bibhrataḥ / (1.1) Par.?
divaḥ pṛṣṭhaṃ svar gatvā miśrā devebhir ādhvam // (1.2) Par.?
prācīm anu / (2.1) Par.?
agne prehi prathamo devāyatāṃ cakṣur devānām uta martyānām / (2.2) Par.?
iyakṣamāṇā bhṛgubhiḥ saha svar yantu yajamānāḥ svasti // (2.3) Par.?
pṛthivyā aham ud antarikṣam āruham antarikṣād divam āruham / (3.1) Par.?
divo nākasya pṛṣṭhāt svar jyotir agām aham // (3.2) Par.?
svar yanto nāpekṣantā ā dyāṃ rohanti rodasī / (4.1) Par.?
yajñaṃ ye viśvatodhāraṃ suvidvāṃso vitenire // (4.2) Par.?
naktoṣāsā / (5.1) Par.?
agne sahasrākṣa / (5.2) Par.?
suparṇo 'si garutmān / (5.3) Par.?
pṛṣṭhe pṛthivyāḥ sīda / (5.4) Par.?
bhāsāntarikṣam āpṛṇa / (5.5) Par.?
jyotiṣā divam uttabhāna / (5.6) Par.?
tejasā diśā uddṛṃha / (5.7) Par.?
ājuhvānaḥ supratīkaḥ purastād agne svaṃ yonim āsīda sādhyā / (5.8) Par.?
asmint sadhasthe adhy uttarasmin viśve devā yajamānaś ca sīdata // (5.9) Par.?
tāṃ savitur vareṇyasya citrām āhaṃ vṛṇe sumatiṃ viśvajanyām / (6.1) Par.?
yām asya kaṇvo aduhat prapīnāṃ sahasradhārāṃ payasā mahīṃ gām // (6.2) Par.?
vidhema te parame janmann agne vidhema stomair avare sadhasthe / (7.1) Par.?
yasmād yoner udārithā yajā taṃ pra tve samiddhe juhure havīṃṣi // (7.2) Par.?
preddho agne dīdihi puro no 'jasrayā sūrmyā yaviṣṭha / (8.1) Par.?
tāṃ śaśvantā upayanti vājāḥ // (8.2) Par.?
agne tam adya / (9.1) Par.?
sapta te agne / (9.2) Par.?
citiṃ juhomi manasā yathā devā ihāgaman / (9.3) Par.?
vītihotrā ṛtāvṛdhaḥ // (9.4) Par.?
samudrasya vo vayunasya patman juhomi viśvakarmaṇe / (10.1) Par.?
viśvāhādābhyaṃ haviḥ // (10.2) Par.?
Duration=0.12764501571655 secs.