Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 16154

Click on a sentence to show its analysis
Keep the mouse pointer over a lemma to show its meanings.

tad āhur yad ekaviṃśam anu sarve yajñakratavaḥ saṃtiṣṭhante 'ty u vā ekaviṃśāny ukthāni rātrir ety atha kenaiṣām ekaviṃśam anu rātriḥ saṃtiṣṭhata iti // (1) Par.?

sa brūyād yad evaita ekaviṃśatiś ca trivṛto bhavanti nava caikaviṃśā iti // (2) Par.?

atha ha smāha bhāllabeyaḥ ka u svid adyobhayatojyotiṣā yajñakratunā yakṣyata iti // (3) Par.?

eṣa ha vā ubhayatojyotir yajñakratur yad atirātraḥ // (4) Par.?

trivṛt purastād bahiṣpavamānaṃ bhavati trivṛd upariṣṭād rāthantaraḥ saṃdhiḥ // (5) Par.?

agnir vai pūrvas trivṛd āditya uttaraḥ // (6) Par.?

agninā vā ayaṃ loko jyotiṣmān ādityenāsau // (7) Par.?

ubhayatojyotiṣāsya yajñakratuneṣṭaṃ bhavati jyotiṣmān asmiṃś ca loke 'muṣmiṃś ca bhavati ya evaṃ veda // (8) Par.?

tau vā etau brahma caiva kṣatraṃ ca // (9) Par.?

brahma vai trivṛt kṣatraṃ pañcadaśaḥ // (10) Par.?

tad etad brahma ca kṣatraṃ ca saṃdhāya rātriṃ vahataḥ // (11) Par.?

tad etad brahma ca kṣatraṃ ca saṃdhāyāntataḥ pāpmānam apahataḥ // (12) Par.?

tad yad etau stomāv antataḥ kriyete pāpmana evāpahatyai // (13) Par.?

apa pāpmānaṃ hate ya evaṃ veda // (14) Par.?

tau yad gāyatrīṃ sampadyete tejo vai brahmavarcasaṃ gāyatrī tejasy eva tad brahmavarcase pratitiṣṭhati // (15) Par.?

atho yajamānam eva tad āyuṣi pratiṣṭhāpayati sarvāyuṣṭāyai // (16) Par.?

prāṇo hi gāyatrī // (17) Par.?

sarvam āyur eti ya evaṃ veda // (18) Par.?

Duration=0.028214931488037 secs.