Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 14428
  • Click on a sentence to show its analysis
  • Keep the mouse pointer over a lemma to show its meanings.
indro dadhīco asthabhir vṛtrāṇy apratiṣkutaḥ / (1.1) Par.?
jaghāna navatīr nava // (1.2) Par.?
atrāha gor amanvata nāma tvaṣṭur apīcyam / (2.1) Par.?
itthā candramaso gṛhe // (2.2) Par.?
icchann aśvasya yañ śiraḥ parvateṣv apaśritam / (3.1) Par.?
avindañ śaryaṇāvati // (3.2) Par.?
indram id gāthino bṛhad indram arkebhir arkiṇaḥ / (4.1) Par.?
indraṃ vāṇīr anūṣata // (4.2) Par.?
indro dīrghāya cakṣasā ā sūryaṃ rohayad divi / (5.1) Par.?
vi gobhir adrim airayat // (5.2) Par.?
indrā id dharyoḥ sacā saṃmiślā ā vacoyujā / (6.1) Par.?
indro vajrī hiraṇyayaḥ // (6.2) Par.?
indra vājeṣu no 'va sahasrapradhaneṣu ca / (7.1) Par.?
ugra ugrābhir ūtibhiḥ // (7.2) Par.?
tam indraṃ vājayāmasi mahe vṛtrāya hantave / (8.1) Par.?
sa vṛṣā vṛṣabho bhuvat // (8.2) Par.?
indraḥ sa dāmane kṛta ojiṣṭhaḥ sa bale hitaḥ / (9.1) Par.?
dyumnī ślokī sa somyaḥ // (9.2) Par.?
girā vajro na saṃbhṛtaḥ sabalo anapacyutaḥ / (10.1) Par.?
vavakṣa ugro astṛtaḥ // (10.2) Par.?
Duration=0.053709983825684 secs.