Texts

āyāhi suṣumā hi tā indra somaṃ pibā imam / (1.1) Par.?

edaṃ barhiḥ sado mama // (1.2) Par.?

ā tvā brahmayujā harī vahatām indra keśinā / (2.1) Par.?

upa brahmāṇi naḥ śṛṇu // (2.2) Par.?

brahmāṇas tvā vayaṃ yujā somapām indra sominaḥ / (3.1) Par.?

sutāvanto havāmahe // (3.2) Par.?

abhi tvā śūra nonumo 'dugdhā iva dhenavaḥ / (4.1) Par.?

īśānam asya jagataḥ svardṛśam īśānam indra tasthuṣaḥ / (4.2) Par.?

na tvāvaṃ anyo divyo na pārthivo na jāto na janiṣyate / (4.3) Par.?

aśvāyanto maghavann indra vājino gavyantas tvā havāmahe // (4.4) Par.?

tvām iddhi havāmahe sātā vājasya kāravaḥ / (5.1) Par.?

tvāṃ vṛtreṣv indra satpatiṃ naras tvāṃ kāṣṭhāsv arvataḥ // (5.2) Par.?

sa tvaṃ naś citra vajrahasta dhṛṣṇuyā mahaḥ stavāno adrivaḥ / (6.1) Par.?

gām aśvaṃ rathyam indra saṃkira satrā vājaṃ na jigyuṣe // (6.2) Par.?

kayā naś citra ābhuvad ūtī sadāvṛdhaḥ sakhā / (7.1) Par.?

kayā śaciṣṭhayā vṛtā // (7.2) Par.?

kas tvā satyo madānāṃ maṃhiṣṭho matsad andhasaḥ / (8.1) Par.?

dṛḍhā cid āruje vasu // (8.2) Par.?

abhī ṣu ṇaḥ sakhīnām avitā jaritṝṇām / (9.1) Par.?

śataṃ bhavāsy ūtibhiḥ // (9.2) Par.?

yajñāyajñā vo agnaye girāgirā ca dakṣase / (10.1) Par.?

prapra vayam amṛtaṃ jātavedasaṃ priyaṃ mitraṃ na śaṃsiṣam // (10.2) Par.?

ūrjo napātaṃ sa hināyam asmayur dāśema havyadātaye / (11.1) Par.?

bhuvad vājeṣv avitā bhuvad vṛdha uta trātā tanūnām // (11.2) Par.?