Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16173
  • Click on a sentence to show its analysis
  • Keep the mouse pointer over a lemma to show its meanings.
atha ha pradhāvayāṃcakāra // (1) Par.?
tasmin ha praiṣyan // (2) Par.?
imān ha sma pṛcchaty āsāṃ virājām ṛddhim // (3) Par.?
te ha sma nābhyāpayanti // (4) Par.?
ya u ha smābhyāpayati yāṃ ha smaikām abhyāpayati sa ha smāste // (5) Par.?
brāhmaṇaṃ batāhaṃ brāhmaṇam etāsu mīmāṃsamānam apaśyam accha dhāvata śailanam iti // (6) Par.?
tad viyajanaṃ hāsa yathā śailana iyeṣa // (7) Par.?
tā etās tisro virājo daivī yajñiyā mānuṣī // (8) Par.?
saiṣā daivī virāḍ yad ime lokāḥ // (9) Par.?
sā nyūnā // (10) Par.?
yajamānāvadhānāyaiva tan nyūnā // (11) Par.?
tad antar yajamānam avadadhāti // (12) Par.?
tasyā etasyai candramā evāpidhānam // (13) Par.?
etaddhi devānāṃ pratyakṣam annādyaṃ yac candramāḥ // (14) Par.?
athaiṣā yajñiyā virāḍ yad etā bahiṣpavamānyaḥ // (15) Par.?
sā nyūnā // (16) Par.?
yajamānāvadhānāyaiva tan nyūnā // (17) Par.?
tad antar yajamānam avadadhāti // (18) Par.?
tasyā etasyai hiṃkāra evāpidhānam // (19) Par.?
hiṃkāreṇa hy eva devebhyo 'ntato 'nnādyaṃ pradīyate // (20) Par.?
athaiṣā mānuṣī virāḍ yad ime puruṣe prāṇāḥ // (21) Par.?
sā nyūnā // (22) Par.?
sa u eva yajamānaḥ pratyakṣam // (23) Par.?
tasyā etasyā annam evāpidhānam // (24) Par.?
nābhir vā etās tisro virājaḥ // (25) Par.?
abhi ha tān kāmān āpnoti ya etāsu kāmāḥ // (26) Par.?
api tv iha teṣu bhavati // (27) Par.?
ati ha punarmṛtyuṃ mucyate // (28) Par.?
bahupuruṣam asmin loke 'nnam atti // (29) Par.?
na hy etad ekapuruṣāyānnādyaṃ yad etāsu // (30) Par.?
yaddha vai kiṃ cedam asmin loka ātmanvat taddha sarvaṃ mṛtyur evābhivyādāya tiṣṭhati // (31) Par.?
sa yo ha sa mṛtyuḥ saṃvatsara eva sa // (32) Par.?
tasya hartava eva mukhāni // (33) Par.?
tad yad vai kiṃ ca mriyata ṛtuṣv eva mriyate // (34) Par.?
na hāsyānṛtau mriyate ya evaṃ veda // (35) Par.?
ṛtuṣu vāva prajāyate prajayā paśubhir ya evaṃ veda // (36) Par.?
Duration=0.069729804992676 secs.