Texts

agnaye jātavedase 'ṣṭākapālaṃ nirvaped dadhikrāvṇā ekādaśakapālam agnaye vaiśvānarāya dvādaśakapālaṃ yaḥ sarvavedasī prathamām iṣṭim ālabheta // (1) Par.?

agnir vā etasya tad veda yatrāsyeṣṭaṃ yatra sukṛtam // (2) Par.?

agnir evāsmai tad vindati // (3) Par.?

amedhyo vā eṣa yaḥ sarvaṃ dadāti // (4) Par.?

tad dadhikrāvaivainaṃ medhyaṃ karoti // (5) Par.?

saṃvatsaro vā agnir vaiśvānaraḥ // (6) Par.?

saṃvatsaro vā etasya tad veda yatrāsyeṣṭaṃ yatra sukṛtam // (7) Par.?

saṃvatsara evāsmai tad vindati // (8) Par.?

agnaye surabhimate 'ṣṭākapālaṃ nirvapet // (9) Par.?

abhiśasyamānaṃ yājayet // (10) Par.?

rathaprotaṃ vai dārbhyam abhyaśaṃsan // (11) Par.?

taṃ kaulakāvatī abrūtām // (12) Par.?

tathā tvā yājayiṣyāvo yathā te 'nnam atsyanti // (13) Par.?

yatra grāmyasya paśor nopaśṛṇavas tad gaccha // (14) Par.?

yas tvā kaś copāyat tūṣṇīm evāsva // (15) Par.?

iti // (16) Par.?

taṃ ha sma vai vyāghrā upaghrāyaṃ tūṣṇīm evāpakrāmanti // (17) Par.?

tau vai tatraiva śvo bhūte yajñāyudhair anvetyāgniṃ mathitvāgnaye surabhimate 'ṣṭākapālaṃ niravapatām // (18) Par.?

tato vā enaṃ na paryavṛñjan // (19) Par.?

yam abhiśaṃseyus tam etayā yājayet // (20) Par.?

durabhi vā etam ārad yam abhiśaṃsanti // (21) Par.?

eṣā vā agner bheṣajā tanūr yat surabhiḥ // (22) Par.?

bheṣajam evāsmā akaḥ // (23) Par.?

surabhim enam akaḥ // (24) Par.?

śamayaty eva // (25) Par.?

agnaye pavamānāyāṣṭākapālaṃ nirvaped dadhikrāvṇā ekādaśakapālam agnaye vaiśvānarāya dvādaśakapālaṃ punar etya gṛheṣu // (26) Par.?

pavamāna evainaṃ punāty agnir niṣṭapati // (27) Par.?

apūto vā eṣa yam abhiśaṃsanti // (28) Par.?

nainaṃ dadhikrāvā cana pāvayāṃkriyād iti khalu vā āhuḥ // (29) Par.?

tad dadhikrāvaivainaṃ pāvayati // (30) Par.?

saṃvatsaro vā agnir vaiśvānaraḥ // (31) Par.?

saṃvatsara evainaṃ svadayati // (32) Par.?

āgneyam aṣṭākapālaṃ nirvaped agnīṣomīyam ekādaśakapālaṃ dyāvāpṛthivīyaṃ dvikapālaṃ yaḥ saṃgrāmaṃ jigīṣen nṛjyāyaṃ vā jijyāset // (33) Par.?

ṛddhyā evāgneyaḥ // (34) Par.?

agnīṣomābhyāṃ vai vīryeṇendro vṛtram ahan // (35) Par.?

vṛtraṃ khalu vā eṣa hanti yaḥ saṃgrāmaṃ jayati nṛjyāyaṃ vā jināti // (36) Par.?

tad vārtraghnam evaitat // (37) Par.?

indro vai vṛtrāya vajram udayacchat // (38) Par.?

taṃ dyāvāpṛthivī nānvamanyetām // (39) Par.?

tam etena bhāgadheyenānvamanyetām // (40) Par.?

yad dyāvāpṛthivīyaḥ // (41) Par.?

vajrasyānumatyai // (42) Par.?

atho anumatavajro 'sad iti // (43) Par.?

sa yadā saṃgrāmaṃ jayen nṛjyāyaṃ vā jinīyād athāgneyam aṣṭākapālaṃ nirvaped aindrāgnam ekādaśakapālaṃ dyāvāpṛthivīyaṃ dvikapālam // (44) Par.?

ṛddhyā evāgneyaḥ // (45) Par.?

agnīṣomābhyāṃ vai vīryeṇendro vṛtram ahan // (46) Par.?

sa ojasā vīryeṇa vyārdhyata // (47) Par.?

sa etam aindrāgnam apaśyat // (48) Par.?

tenaujo vīryam ātmann adhatta // (49) Par.?

ojasā vā eṣa vīryeṇa vyṛdhyate yaḥ saṃgrāmaṃ jayati nṛjyāyaṃ vā jināti // (50) Par.?

ojo vīryam indrāgnī // (51) Par.?

ojasaivainaṃ vīryeṇa samardhayataḥ // (52) Par.?

atha yad dyāvāpṛthivīyaḥ // (53) Par.?

ye evāsmai vajram anvamaṃsātāṃ tābhyām eṣa bhāgaḥ kriyate // (54) Par.?