Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16206
  • Click on a sentence to show its analysis
  • Keep the mouse pointer over a lemma to show its meanings.
sa yad bahiṣpavamāne gāyatrīṃ gāyati prāṇo vai gāyatro gāyatraṃ śira eva tadāyatano vai prāṇo yac chiras sva eva tad āyatane prāṇaṃ dadhāti // (1) Par.?
triṣṭubhaṃ gāyati // (2) Par.?
cakṣur vai triṣṭup // (3) Par.?
tām eva tad āhṛtya śīrṣan niyunakti // (4) Par.?
yan niyunakti tasmān niyuktam iva cakṣuḥ // (5) Par.?
tām anyatrāyatanāṃ satīṃ niyunakti mādhyaṃdināyatanām // (6) Par.?
tāṃ yad anyatrāyatanāṃ satīṃ niyunakti tasmād uta jīvata eva cakṣur apakrāmati // (7) Par.?
jagatīṃ gāyati // (8) Par.?
śrotraṃ vai jagatī // (9) Par.?
tām eva tad āhṛtya śīrṣan niyunakti // (10) Par.?
yan niyunakti tasmān niyuktam iva śrotram // (11) Par.?
tām anyatrāyatanāṃ satīṃ niyunakti tṛtīyasavanāyatanām // (12) Par.?
tāṃ yad anyatrāyatanāṃ satīṃ niyunakti tasmād uta jīvata eva śrotram apakrāmati // (13) Par.?
anuṣṭubhaṃ gāyati // (14) Par.?
vāg vā anuṣṭup // (15) Par.?
tām eva tad āhṛtya śīrṣan niyunakti // (16) Par.?
yan niyunakti tasmān niyukteva vāk // (17) Par.?
tām anyatrāyatanāṃ satīṃ niyunakti tṛtīyasavanāyatanāṃ vā sarvāyatanāṃ vā // (18) Par.?
tāṃ yad anyatrāyatanāṃ satīṃ niyunakti tasmād uta jīvata eva vāg apakrāmati // (19) Par.?
apānye prāṇāḥ krāmanti na prāṇaḥ // (20) Par.?
Duration=0.07174015045166 secs.