Texts

Help

Select a text:
Bibliography
Select a chapter:
 (no revisions)
Show parallels  Show headlines
Use dependency labeler
Chapter id: 14318
  • Click on a sentence to show its analysis
  • Keep the mouse pointer over a lemma to show its meanings.
devaṃ barhiḥ sarasvatī sudevam indrāyāśvinā // (1) Par.?
tejo na cakṣur akṣor barhiṣā dadhur indriyam // (2) Par.?
vasuvane vasudheyasya vetu // (3) Par.?
yaja // (4) Par.?
devīr dvāro aśvinā bhiṣajendraṃ sarasvatī // (5) Par.?
prāṇān na vīryaṃ nasi dvāro dadhur indriyam // (6) Par.?
vasuvane vasudheyasya vyantu // (7) Par.?
yaja // (8) Par.?
devī uṣāsā aśvinā sutrāmendraṃ sarasvatī // (9) Par.?
balaṃ na vācam āsye uṣābhyāṃ dadhur indriyam // (10) Par.?
vasuvane vasudheyasya vītām // (11) Par.?
yaja // (12) Par.?
devī joṣṭrī sarasvaty aśvinendram avardhayan // (13) Par.?
śrotraṃ na karṇayor yaśo joṣṭrībhyāṃ dadhur indriyam // (14) Par.?
vasuvane vasudheyasya vītām // (15) Par.?
yaja // (16) Par.?
devī ūrjāhutī dughe sudughendraṃ sarasvatī // (17) Par.?
aśvinā bhiṣajāvataṃ śukraṃ na jyotiḥ stanayoḥ // (18) Par.?
āhutī dhatta indriyam // (19) Par.?
vasuvane vasudheyasya vītām // (20) Par.?
yaja // (21) Par.?
devā devānāṃ bhiṣajā hotārā indram aśvinā // (22) Par.?
vaṣaṭkāraiḥ sarasvatī tviṣiṃ na hṛdaye matim // (23) Par.?
hotṛbhyāṃ dadhur indriyam // (24) Par.?
vasuvane vasudheyasya vītām // (25) Par.?
yaja // (26) Par.?
devīs tisras tisro devīr aśvineḍā sarasvatī // (27) Par.?
śūṣaṃ na madhye nābhyā indrāya dadhur indriyam // (28) Par.?
vasuvane vasudheyasya vyantu // (29) Par.?
yaja // (30) Par.?
deva indro narāśaṃsas trivarūthaḥ sarasvatyā // (31) Par.?
aśvibhyām īyate rathaḥ // (32) Par.?
reto na rūpam amṛtaṃ janitram // (33) Par.?
indrāya tvaṣṭā dadhad indriyāṇi // (34) Par.?
vasuvane vasudheyasya vetu // (35) Par.?
yaja // (36) Par.?
devo devair vanaspatir hiraṇyaparṇo aśvibhyām // (37) Par.?
sarasvatyā supippala indrāya pacyate madhu // (38) Par.?
ojo na jūtir vṛṣabho na bhāmaṃ vanaspatir no dadhad indriyāṇi // (39) Par.?
vasuvane vasudheyasya vetu // (40) Par.?
yaja // (41) Par.?
devaṃ barhir vāritīnām adhvare stīrṇam aśvibhyām // (42) Par.?
ūrṇamradāḥ sarasvatyā syonam indra te sadaḥ // (43) Par.?
īśāyā manyuṃ rājānaṃ barhiṣā dadhur indriyam // (44) Par.?
vasuvane vasudheyasya vetu // (45) Par.?
yaja // (46) Par.?
devo agniḥ sviṣṭakṛd devān yakṣad yathāyatham // (47) Par.?
hotārā indram aśvinā vācā vācaṃ sarasvatīm // (48) Par.?
agniṃ somaṃ sviṣṭakṛt sviṣṭā indraḥ sutrāmā // (49) Par.?
savitā varuṇo bhiṣag iṣṭo devo vanaspatiḥ // (50) Par.?
sviṣṭā devā ājyapāḥ sviṣṭo agnir agninā // (51) Par.?
hotā hotre sviṣṭakṛt saho na dadhad indriyam // (52) Par.?
ūrjam apacitiṃ svadhām // (53) Par.?
vasuvane vasudheyasya vetu // (54) Par.?
yaja // (55) Par.?
Duration=0.10995602607727 secs.