Texts

yaḥ kāmayeta sarvo me yajñaḥ syāt sarasā iti sa etās tisro vaśā ālabheta / (1.1) Par.?

yajñasya sarvatvāya / (1.2) Par.?

atho sarasatvāya / (1.3) Par.?

vaiśvadevīṃ madhyata ālabheta / (1.4) Par.?

reto vā etan madhyato dadhāti / (1.5) Par.?

madhyato hi reto 'niruktayā pracaranti / (1.6) Par.?

aniruktam iva hi retaḥ / (1.7) Par.?

yātayāmaṃ vā etasya devatāś ca brahma ca / (1.8) Par.?

yad vaiśvadevī ca bārhaspatyā ca vaśe bhavataḥ / (1.9) Par.?

devatānāṃ ca brahmaṇaś cāyātayāmatvāya / (1.10) Par.?

dugdhāni vā etasya chandāṃsi yātayāmāni bhavanti / (1.11) Par.?

chandasy eva rasaṃ dadhāti / (1.12) Par.?

bārhaspatyām antata ālabheta / (1.13) Par.?

brahma vai bṛhaspatiḥ / (1.14) Par.?

brahmaṇi vā etad antato yajñasya yajamānaḥ pratitiṣṭhati / (1.15) Par.?

yad vai yajñaḥ saṃtiṣṭhate mitro 'sya sviṣṭaṃ yuvate varuṇo duriṣṭam / (1.16) Par.?

yan maitrāvaruṇy anūbandhyā bhavati mitreṇa vā etan mitrād yajñasya / (1.17) Par.?

sviṣṭaṃ muñcati varuṇena varuṇād duriṣṭam / (1.18) Par.?

ubhayata enaṃ muktvā yajamānāya prayacchati / (1.19) Par.?

yathā vai lāṅgalenorvarāṃ prabhindanty evam ukthāmadāni yajñaṃ prabhindanti / (1.20) Par.?

yathā matyam anvavāsyaty evam eṣā yajñasya / (1.21) Par.?

yad duṣṭutaṃ yad duḥśastaṃ yad vilomaṃ tad etayā kalpayati / (1.22) Par.?

videvo vā ījānaḥ / (1.23) Par.?

sadevo 'nījānaḥ / (1.24) Par.?

ā hy anījāne devatāḥ śaṃsante / (1.25) Par.?

yathā vā anadvān vimukto 'pakrāmaty evam ījānād devatā apakrāmanti / (1.26) Par.?

yad āgneya udavasānīyo bhavaty agnir vai sarvā devatā devatā eva punar ālabhate / (1.27) Par.?

aṣṭākapālo bhavati / (1.28) Par.?

gāyatro hy agnir gāyatrachandāḥ / (1.29) Par.?

pañcakapālaḥ kāryaḥ / (1.30) Par.?

pāṅkto yajñaḥ / (1.31) Par.?

yāvān eva yajñas tam ālabdha / (1.32) Par.?

yatra vā ado 'gnau puruṣaṃ pramītam ādadhati tad enam abhi satyam / (1.33) Par.?

sarvā enam anyā devatā jahati / (1.34) Par.?

agnir enaṃ devatānāṃ na jahāti // (1.35) Par.?