Texts

āgneyam aṣṭākapālaṃ nirvaped aindraṃ pañcakapālam // (1) Par.?

dadhi madhu ghṛtaṃ dhānā udakaṃ tat saṃsṛṣṭaṃ bhavati // (2) Par.?

aryamṇe carur bhavati // (3) Par.?

ṛddhyā evāgneyaḥ // (4) Par.?

aindraḥ pañcakapālaḥ // (5) Par.?

pāṅkto yajñaḥ // (6) Par.?

paṅktī yājyānuvākye // (7) Par.?

pāṅktāḥ paśavaḥ // (8) Par.?

pāṅktaḥ puruṣaḥ // (9) Par.?

yāvān eva puruṣas tam āpnoti // (10) Par.?

sa sarvo bhūtvā paśūn āpnoti // (11) Par.?

paśava iva hy etat saṃsṛṣṭam // (12) Par.?

atho yāvanta eva paśavas tān asmai saṃsṛjati // (13) Par.?

tad āhuḥ // (14) Par.?

aindra ekādaśakapālaḥ kāryā iti // (15) Par.?

aindrā hi paśavaḥ // (16) Par.?

atho āhuḥ // (17) Par.?

prājāpatyaṃ kāryam iti // (18) Par.?

prājāpatyā hi paśavaḥ // (19) Par.?

prajāpatiḥ paśūnāṃ prajanayitā // (20) Par.?

tam eva bhāgadheyenopāsarat // (21) Par.?

so 'smai paśūn prajanayati // (22) Par.?

athaiṣo 'ryamṇe caruḥ // (23) Par.?

yo dadāti so 'ryamā // (24) Par.?

dānam aryamā // (25) Par.?

dānakāmā asmai prajā bhavanti // (26) Par.?

agnaye bhrājasvate 'ṣṭākapālaṃ nirvapet sauryaṃ carum agnaye bhrājasvate 'ṣṭākapālam // (27) Par.?

cakṣuṣkāmaṃ yājayet // (28) Par.?

agner vai manuṣyā naktaṃ cakṣuṣā paśyanti sūryasya divā // (29) Par.?

etau vai cakṣuṣaḥ pradātārau // (30) Par.?

tā eva bhāgadheyenopāsarat // (31) Par.?

tā asmai cakṣuḥ prayacchataḥ // (32) Par.?

samānaṃ vai cakṣur dvedhā tu // (33) Par.?

yat samānī devatā carum abhito bhavati nānānam evāsmai cakṣuṣī pratidadhāti // (34) Par.?

yāvad anyatareṇākṣṇā paśyati tāvad ubhābhyāṃ paśyed yac carur antarā na syāt // (35) Par.?

atha yac carur antarā bhavati tasmād idam antarā // (36) Par.?

cakṣuṣor vidhṛtyai // (37) Par.?

śuklā vrīhayo bhavanti śvetā gā ājyāya duhanti // (38) Par.?

evam iva hy asā ādityaḥ // (39) Par.?

samṛddhyai // (40) Par.?

payasi bhavati // (41) Par.?

payo vai ghṛtam // (42) Par.?

payaś cakṣuḥ // (43) Par.?

payasaivāsmai payaś cakṣur dadhāti // (44) Par.?

saurībhir ādadhāti // (45) Par.?

cakṣur asmin dadhāti // (46) Par.?