Texts

Help

Select a text:
Bibliography
Select a chapter:
 (no revisions)
Associated topic(s): penance, prāyaścitta, prāyaścitta

Show parallels  Show headlines
Use dependency labeler
Chapter id: 14332
  • Click on a sentence to show its analysis
  • Keep the mouse pointer over a lemma to show its meanings.
vācā tvā hotrā prāṇenādhvaryuṇā cakṣuṣodgātrā manasā brahmaṇā śrotreṇāgnīdhreṇaitais tvā pañcabhir ṛtvigbhir daivyair abhyuddharāmi // (1) Par.?
uddhriyamāṇa uddhara pāpmano mā yad avidvān yac ca vidvāṃś cakāra // (2) Par.?
ahnā yad enaḥ kṛtam asti pāpaṃ sarvasmād enasa uddhṛto muñca tasmād iti sāyam // (3) Par.?
rātryā yad enaḥ kṛtam asti pāpam iti prātaḥ // (4) Par.?
amṛtāhutim amṛtāyāṃ juhomy agniṃ pṛthivyā adityā upasthe // (5) Par.?
tayānantaṃ lokam ahaṃ jayāmi prajāpatir yaṃ prathamo jigāya // (6) Par.?
agnir jyotir jyotir agnir iti sāyam // (7) Par.?
sūryo jyotiḥ jyotiḥ sūrya iti prātaḥ // (8) Par.?
hiraṇyam antar dhārayet // (9) Par.?
ārṣeyas tat paśyann āhavanīyam abhyuddharet // (10) Par.?
atha yasyāhavanīyam abhyuddhṛtam ādityo 'bhyastam iyāt kā tatra prāyaścittiḥ // (11) Par.?
darbheṇa hiraṇyaṃ baddhvā paścād dhārayet // (12) Par.?
ārṣeyas tat paśyann agnim āhavanīyam abhyuddharet // (13) Par.?
atha yasyāhavanīyam abhyuddhṛtam ādityo 'bhyudiyāt kā tatra prāyaścittiḥ // (14) Par.?
darbheṇa rajataṃ baddhvā purastād dhārayet // (15) Par.?
ārṣeyas tat paśyann āhavanīyam abhyuddharet // (16) Par.?
atha yasya sāyam ahutam agnihotraṃ prātar ādityo 'bhyudiyāt kā tatra prāyaścittiḥ // (17) Par.?
maitraḥ puroḍāśaś carur vā // (18) Par.?
nityāḥ purastāddhomāḥ saṃsthitahomeṣu mitraḥ pṛthivyā adhyakṣa iti madhyata opya saṃsrāvabhāgaiḥ saṃsthāpayet // (19) Par.?
atha yasya prātar akṛtam agnihotraṃ sāyam ādityo 'bhyastamiyāt kā tatra prāyaścittiḥ // (20) Par.?
vāruṇaḥ puroḍāśo nityāḥ purastāddhomāḥ // (21) Par.?
saṃsthitahomeṣu yat kiṃ cedaṃ varuṇa iti madhyata opya saṃsrāvabhāgaiḥ saṃsthāpayet // (22) Par.?
atha yasya prātar ahutam agnihotram ādityo 'bhyudiyāt kā tatra prāyaścittiḥ // (23) Par.?
maitraḥ puroḍāśo nityāḥ purastāddhomāḥ // (24) Par.?
saṃsthitahomeṣu mitraḥ pṛthivyā adhyakṣa iti madhyata opya saṃsrāvabhāgaiḥ saṃsthāpayet // (25) Par.?
āhutī vaitābhyām ṛgbhyāṃ juhuyāt // (26) Par.?
Duration=0.11418390274048 secs.