Texts

Help

Select a text:
Bibliography
Select a chapter:
 (no revisions)
Associated topic(s): penance, prāyaścitta, prāyaścitta

Show parallels  Show headlines
Use dependency labeler
Chapter id: 14358
  • Click on a sentence to show its analysis
  • Keep the mouse pointer over a lemma to show its meanings.
atha yasyāhavanīyo 'gnir jāgṛyād gārhapatya upaśāmyet kā tatra prāyaścittiḥ // (1) Par.?
yat prāñcam udvartayati tenāyatanāc cyavate yat pratyañcam asuravad yajñaṃ tanoti // (2) Par.?
yad anugamayatīśvarā vainaṃ tat prāṇā hāsyur iti vā // (3) Par.?
atha nu katham iti // (4) Par.?
sabhasmakam āhavanīyaṃ dakṣiṇena dakṣiṇāgniṃ parihṛtya gārhapatyasyāyatane pratiṣṭhāpya tata āhavanīyaṃ praṇayet // (5) Par.?
bhadrād abhi śreyaḥ prehīty etayarcā gārhapatya ājyaṃ vilāyotpūya caturgṛhītaṃ gṛhītvāhavanīyagārhapatyāv antareṇa vyavetya juhuyāt // (6) Par.?
ayaṃ no agnir adhyakṣa iti dvābhyām etena u vā asya saṃtvaramāṇasyāhavanīyagārhapatyau janitāv ayaṃ mā loko 'nusaṃtanutām iti // (7) Par.?
etena ha vā asya saṃtvaramāṇasyāhavanīyagārhapatyau pāpmānam apahataḥ // (8) Par.?
so 'pahatapāpmā jyotir bhūtvā devān apyetīti // (9) Par.?
athāhavanīya ājyāhutiṃ juhuyād asapatnaṃ purastād ity etayarcā // (10) Par.?
atha yasyāgnihotraṃ śrapyamāṇaṃ viṣyandet tad adbhir upaninayet // (11) Par.?
tad anumantrayate // (12) Par.?
pṛthivīṃ turīyam ity etābhiḥ // (13) Par.?
pṛthivīṃ turīyaṃ manuṣyān yajño 'gāt / (14.1) Par.?
tato mā draviṇam āṣṭa // (14.2) Par.?
antarikṣe turīyaṃ / (15.1) Par.?
divi turīyam / (15.2) Par.?
apsu turīyam / (15.3) Par.?
apsv ity āha bhūtāni tāni / (15.4) Par.?
devān yajño 'gāt / (15.5) Par.?
tato mā draviṇam āṣṭa // (15.6) Par.?
trātāram indram / (16.1) Par.?
yayor ojaseti caitā viṣṇuvaruṇadevatyā ṛco japati // (16.2) Par.?
yad vai yajñasya viriṣṭaṃ tad vaiṣṇavaṃ // (17) Par.?
yad guṣpitaṃ tad vāruṇaṃ // (18) Par.?
yajñasya vā ṛddhiḥ // (19) Par.?
bhūyiṣṭhām ṛddhim āpnoti yatraitā viṣṇuvaruṇadevatyā ṛco japati // (20) Par.?
athādbhuteṣv etā eva tisro japet // (21) Par.?
tisro japet // (22) Par.?
Duration=0.10425209999084 secs.