Texts

Help

Select a text:
Bibliography
Select a chapter:
 (no revisions)
Associated topic(s): penance, prāyaścitta, prāyaścitta

Show parallels  Show headlines
Use dependency labeler
Chapter id: 14295
  • Click on a sentence to show its analysis
  • Keep the mouse pointer over a lemma to show its meanings.
p. 82
atha yo 'hutvā navaṃ prāśnīyād agnau vāgamayet kā tatra prāyaścittiḥ // (1) Par.?
so 'gnaye vratapataye 'ṣṭākapālaṃ puroḍāśaṃ nirvapet // (2) Par.?
nityāḥ purastāddhomāḥ // (3) Par.?
saṃsthitahomeṣv agne prāśnāhi prathamas tvaṃ hi vettha yathā haviḥ // (4) Par.?
vanvan havir yathā devebhyo yajamānaṃ ca vardhaya agniś ca deva savitaḥ // (5) Par.?
tvam agne vratapā asi / (6.1) Par.?
idāvatsarāyeti madhyata opya saṃsrāvabhāgaiḥ saṃsthāpayet // (6.2) Par.?
yady anugatam agniṃ śaṅkamānā mantheyur mathite 'gnim adhigaccheyur bhadrād adhi śreyaḥ prehīti vyāhṛtibhiś ca mathitaṃ samāropyāthetarasmin punas tvā prāṇa iti pañcabhir ājyāhutīr hutvā yathoktaṃ prākṛtā vṛttiḥ // (7) Par.?
atha yasyāgnihotrī gharmadughā duhyamānā vāśyet kā tatra prāyaścittiḥ // (8) Par.?
aśanāpipāse evaiṣā yajamānasya saṃprakhyāya vāśyatīti tāṃ tṛṇam apy ādayet sūyavasād bhagavatīty etayarcā // (9) Par.?
athāhavanīya ājyāhutīr juhuyād dhātā dadhātu naḥ pūrṇā darva iti dvābhyām ṛgbhyām // (10) Par.?
atha yasyāgnihotrī gharmadughā vā duhyamānopaviśet kā tatra prāyaścittiḥ // (11) Par.?
bhayaṃ vā eṣā yajamānasya prakhyāyopaviśati // (12) Par.?
tasyā ūdhasy udapātraṃ ninayecchaṃ no devīr abhiṣṭaya iti dvābhyāṃ // (13) Par.?
tām anumantrayate yasmād bhītā niṣīdasi tato no abhayaṃ kṛdhi paśūn naḥ sarvān gopāya namo rudrāya mīḍhuṣa iti // (14) Par.?
athainām utthāpayaty uttiṣṭha devy adite devān yajñena bodhaya / (15.1) Par.?
indrāya kṛṇvatī bhāgaṃ mitrāya varuṇāya ceti // (15.2) Par.?
utthitām anumantrayata udasthād devy adite devān yajñena bodhaya / (16.1) Par.?
āyuś ca tasya bhūtiṃ ca yajamānaṃ ca vardhayeti // (16.2) Par.?
athāhavanīya ājyāhutīr juhuyān mā no vidan ity etair abhayai raudraiś ca // (17) Par.?
Duration=0.10893082618713 secs.