Texts

Help

Select a text:
Bibliography
Select a chapter:
 (no revisions)
Associated topic(s): penance, prāyaścitta, prāyaścitta

Show parallels  Show headlines
Use dependency labeler
Chapter id: 14410
  • Click on a sentence to show its analysis
  • Keep the mouse pointer over a lemma to show its meanings.
uparuddhe cen mathyamāno na jāyeta yatra dīpyamānaṃ parāpaśyet tata āhṛtyāgnihotraṃ juhuyāt // (1) Par.?
yadi taṃ na vinded brāhmaṇasya dakṣiṇe pāṇau juhuyāt // (2) Par.?
tato brāhmaṇaṃ na paricakṣīta // (3) Par.?
yadi taṃ na vinded ajāyā dakṣiṇe karṇe juhuyāt // (4) Par.?
tato 'jāṃ nāśnīyāt // (5) Par.?
yadi tāṃ na vinded darbhastambeṣu juhuyāt // (6) Par.?
tato darbheṣu nāsīta // (7) Par.?
yadi tān na vinded apsu juhuyāt // (8) Par.?
tato 'dbhiḥ pādau na prakṣālayīta // (9) Par.?
yadi tān na vindeddhiraṇye juhuyāt // (10) Par.?
tato hiraṇyaṃ na bibhṛyāt // (11) Par.?
āpadi mathitvā vihṛtyāgnihotraṃ juhuyāt // (12) Par.?
agnihotre ced anabhyuddhṛte haviṣi vā nirupte śakuniḥ śyenaḥ śvā vāntareṇa vyaveyād idaṃ viṣṇur iti // (13) Par.?
idaṃ viṣṇur vicakrame tredhā nidadhe padaṃ / (14.1) Par.?
samūḍham asya pāṃsure // (14.2) Par.?
pra tad viṣṇur iti bhasmanā padam upavapet // (15) Par.?
ano rathāsya puruṣo vā vyaveyād yad agne pūrvaṃ nihitaṃ padaṃ hi te sūryasya raśmīn anvātatāna / (16.1) Par.?
tatra rayiṣṭhām anusaṃbharaitāṃ saṃ naḥ sṛja sumatyā vājavatyety ādadhyāt // (16.2) Par.?
Duration=0.067574977874756 secs.