Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice, against rivals

Show parallels  Show headlines
Use dependency labeler
Chapter id: 13636
  • Click on a sentence to show its analysis
  • Keep the mouse pointer over a lemma to show its meanings.
devāś ca ha vā asurāś cāspardhanta // (1) Par.?
te devāḥ samāvad eva yajñe kurvāṇā āsan // (2) Par.?
yad eva devā akurvata tad asurā akurvata // (3) Par.?
te na vyāvṛtam agacchan // (4) Par.?
te devā abruvan nayatemaṃ yajñaṃ tira upary asurebhyas taṃsyāmaha iti // (5) Par.?
tam etābhir ācchādyodakrāman yajūṃṣi yajñe samidhaḥ svāheti // (6) Par.?
taṃ tira upary asurebhyo yajñam atanvata // (7) Par.?
tam eṣāṃ yajñam asurā nānvavāyan // (8) Par.?
tato devā abhavan parāsurāḥ // (9) Par.?
sa ya evaṃ vidvāṃs tira upary asurebhyo yajñaṃ tanute bhavaty ātmanā parāsyāpriyo bhrātṛvyo bhavati // (10) Par.?
etair eva juhuyāt samṛtayajñe caturbhiś caturbhir anvākhyāyam // (11) Par.?
purastāt prātaranuvākasya juhuyāt // (12) Par.?
etāvān vai yajño yāvān eṣa yajñas taṃ vṛṅkte // (13) Par.?
sayajño bhavati // (14) Par.?
ayajña itaraḥ // (15) Par.?
etair eva juhuyāt purastād dvādaśāhasya // (16) Par.?
eṣa ha vai pratyakṣaṃ dvādaśāhaḥ // (17) Par.?
tam evālabhyaitair eva juhuyāt // (18) Par.?
purastād dīkṣāyāḥ // (19) Par.?
eṣā ha vai pratyakṣaṃ dīkṣā // (20) Par.?
tām evālabhyaitair evātithyam abhimṛśed yajñena yajñam ayajanta devā iti // (21) Par.?
Duration=0.074876070022583 secs.