Texts

agnaye rakṣoghne 'ṣṭākapālaṃ nirvaped yo rakṣobhyo bibhīyāt // (1) Par.?

indraṃ vai rakṣāṃsy asacanta // (2) Par.?

so 'gniṃ prāviśat // (3) Par.?

tāni vā enam abhisamamṛśan // (4) Par.?

sa etā vipruṣo 'janayata yā imāḥ skūyamānasya vipravante // (5) Par.?

tāni vā agninaivāpāhata // (6) Par.?

agnir vai devānāṃ rakṣohā // (7) Par.?

tenaiva rakṣāṃsy apahate // (8) Par.?

naktaṃ yājayet // (9) Par.?

naktaṃ vai rakṣāṃsi prerate // (10) Par.?

yarhy eva prerate tarhy enāny apahate // (11) Par.?

vāmadevasya pañcadaśa sāmidhenīś ca syur yājyānuvākyāś ca // (12) Par.?

vāmadevaś ca vai kusitāyī cājīm ayātām ātmanoḥ // (13) Par.?

sā kusitāyī vāmadevarathasya kūbaram achinat // (14) Par.?

sāparaṃ nyāplavata // (15) Par.?

yugaṃ vā chetsyāmīṣāṃ veti // (16) Par.?

so 'gnim ukhyam avaikṣata // (17) Par.?

sa etaṃ mantram apaśyat // (18) Par.?

tām arcir udauṣat // (19) Par.?

sārciṣā dahyamānā hradaṃ prāviśat // (20) Par.?

sa vāva kausito hradaḥ // (21) Par.?

rakṣāṃsi vai sa tenāpāhata // (22) Par.?

tad rakṣāṃsy evaitenāpahate // (23) Par.?

āgneyam aṣṭākapālaṃ nirvaped yo rāṣṭre spardheta yo vā kāmayeta // (24) Par.?

annādaḥ syād iti // (25) Par.?

devāś ca vā asurāś cāspardhanta // (26) Par.?

tān gāyatrī sarvam annaṃ parigṛhyāntarātiṣṭhat // (27) Par.?

te 'viduḥ // (28) Par.?

yatarān vā iyam upāvartsyati ta idaṃ bhaviṣyantīti // (29) Par.?

tasyāṃ vā ubhaya aicchanta // (30) Par.?

tāṃ nāmnopaipsan // (31) Par.?

dābhīty asurā āhvayan // (32) Par.?

viśvakarman iti devāḥ // (33) Par.?

sā nānyatarāṃś canopāvartata // (34) Par.?

tāṃ devā etena yajuṣāvṛñjata // (35) Par.?

ojo 'si // (36) Par.?

saho 'si // (37) Par.?

balam asi // (38) Par.?

bhrājo 'si // (39) Par.?

devānāṃ dhāma nāmāsi // (40) Par.?

viśvam asi viśvāyuḥ // (41) Par.?

sarvam asi sarvāyur abhibhūr iti // (42) Par.?

saṃvatsaro vai gāyatrī // (43) Par.?

saṃvatsaro vai tad atiṣṭhat // (44) Par.?

saṃvatsaraṃ vā eṣāṃ tad annādyam avṛñjata // (45) Par.?

tat saṃvatsaram evaitad annādyaṃ yajamāno bhrātṛvyasya vṛṅkte // (46) Par.?

saiṣā gāyatrīṣṭiḥ // (47) Par.?

atho āhuḥ // (48) Par.?

rāṣṭrasya saṃvarga iti // (49) Par.?